ବରଗଡ଼,୨୫/୦୯: ଜୀବନ୍ତ ବଜ୍ରକାପ୍ତା ଉଦ୍ଧାର କଲା ବନବିଭାଗ । ପଦ୍ମପୁର ରେଞ୍ଜ ଅନ୍ତର୍ଗତ ବାଦୀମାଲ ଗ୍ରାମର କୃଷ୍ନଚନ୍ଦ୍ର ମେହେରଙ୍କ ଘର ବାରିପଟରୁ ଏକ ଜୀବନ୍ତ ବଜ୍ରକାପ୍ତା ଉଦ୍ଧାର କରାଯାଇଛି । ବଜ୍ରକାପ୍ତାର ଓଜନ ୫କେଜି ୫୦୦ଗ୍ରାମ ରହିଥିବାବେଳେ ଲମ୍ବ ୨ ଫୁଟ ୪ ଇଞ୍ଚ ରହିଛି । 

ସୂଚନା ମୁତାବକ, ବାଦୀମାଲ ଗ୍ରାମର କୃଷ୍ନଚନ୍ଦ୍ର ମେହେରଙ୍କ ଘର ବାରିପଟେ ସେ ଏକ ଜୀବନ୍ତ ବଜ୍ରକାପ୍ତା ଦେଖିବାକୁ ପାଇଥିଲେ । ଏହା ଦେଖି ସେ ତୁରନ୍ତ ପଦ୍ମପୁର ବନ ବିଭାଗକୁ ଖବର ଦେଇଥିଲେ । ଖବର ପାଇ ପଦ୍ମପୁର ଡେପୁଟି ରେଞ୍ଜର ସୁଦାମ ଜଗଦଲାଙ୍କ ନିର୍ଦ୍ଦେଶ କ୍ରମେ ଏକ ଟିମ ବାଦୀମାଲକୁ ଯାଇ ଉକ୍ତ ବଜ୍ରକାପ୍ତାକୁ ଉଦ୍ଧାର କରିଥିଲେ । ବଜ୍ରକାପ୍ତାର ଓଜନ ୫କେଜି ୫୦୦ଗ୍ରାମ ରହିଥିବାବେଳେ ଲମ୍ବ ୨ ଫୁଟ ୪ ଇଞ୍ଚ ରହିଛି । ବଜ୍ରକାପ୍ତାର ଡାକ୍ତରୀ ମାଇନା ପରେ ଗନ୍ଧମାର୍ଦ୍ଦନ ଜଙ୍ଗଲରେ ଛାଡି ଦିଆଯିବ ବୋଲି ଡେପୁଟି ରେଞ୍ଜର ସୂଚନା ଦେଇଛନ୍ତି ।