ଚନ୍ଦାହାଣ୍ଡି,୧୭।୬ ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଅଧିନସ୍ଥ ମୋହରା ଏବଂ ବେହେରାମୁଣ୍ଡା ମସଜିଦ ପରିସରରେ ଇଦ୍ ଉଲ ଜୁହା  ପର୍ବ ମହାସମାରୋହର ସହିତ ପାଳିତ ହୋଇଯାଇଛି । ସକାଳୁ ସମସ୍ତ ମୁସଲମାନ ଭାଇ ଏକ ଶୋଭାଯାତ୍ରାରେ  ବାହାରି ଇଦଗାହା ପଡିଆରେ ସମବେତ ହୋଇଥିଲେ।  ମୌଲାନା ସୋହେବ ରଜାଙ୍କ ପୌରହିତ୍ୟରେ ସମୁହ ନମାଜ ପାଠ କରିଥିଲେ । ନମାଜ ପାଠ ପରେ  ପରସ୍ପର ପରସ୍ପରଙ୍କୁ ଇଦର ଅଭିନନ୍ଦନ ଜଣାଇଥିଲେ। 

ଏହା ପରେ ସମସ୍ତେ ଶ୍ମଶାନକୁ ଯାଇ ନିଜ ନିଜ ପରିବାରର ମୃତ ବ୍ୟକ୍ତିଙ୍କ ଅମର ଆତ୍ମାର ସଦଗତି ନିମନ୍ତେ ଆଲ୍ଲାଙ୍କ ନିକଟରେ ପ୍ରାର୍ଥନା କରିଥିଲେ ।   ଏହି କାର୍ଯ୍ୟକ୍ରମରେ ମୋହରା ମୁସଲିମ କମିଟି ସଭାପତି ସୁଲତାନ ଅଲ୍ଲୀ,  ମହମ୍ମଦ ସକିଲ୍ ,  ମହମ୍ମଦ ଇଲିୟାସ,   ମୁରାଦ ଅଲ୍ଲୀ , ଅବଦୁଲ ମଜିଦ, ମହମ୍ମଦ ହନିଫ, ମହମ୍ମଦ ଇଶା,ମହମ୍ମଦ ୟୁନୁସ, ମହମ୍ମଦ ସଫିକ,ମୁମତାଜ ଅଲ୍ଲୀ,ସହିଦ ଅଲ୍ଲୀ,ଙ୍କ ସମେତ ଶତାଧିକ ବ୍ୟକ୍ତି ଉପସ୍ଥିତ ଥିଲେ ।