ନୂଆଦିଲ୍ଲୀ,୦୩ /୦୧: ଭୂକମ୍ପ ଝଟକାରେ ଥରିଲା ଚିଲି । କେଲାମା ନିକଟସ୍ଥ ଏଣ୍ଟୋଫଗାସ୍ତା ଅଞ୍ଚଳରେ ଆଜି (ଶୁକ୍ରବାର) ବଡ ଧରଣର ଭୂକମ୍ପ ହୋଇଛି । ରିକ୍ଚର ସ୍କେଲରେ ଏହାର ତୀବ୍ରତା ୬.୨ ମାଗ୍ନିଚୁଡ ରେକର୍ଡ ହୋଇଛି । ଏହି ଭୂକମ୍ପ ନେଇ ୟୁରୋପୀୟ-ଭୂମଧ୍ୟସାଗରୀୟ (ଇଏମଏସସି) ସୂଚନା ଦେଇଛି ।
ରିପୋର୍ଟ ଅନୁସାରେ, ଭୂକମ୍ପ କେନ୍ଦ୍ରସ୍ଥଳ କେଲାମାରୁ ୮୪କିଲୋମିଟର ଉତ୍ତର-ପଶ୍ଚିମ ଏବଂ ପୃଥିବୀ ପୃଷ୍ଠରୁ ୧୦୪ କିଲୋମିଟର ଗଭୀରତା ଥିଲା । ଏ ପର୍ଯ୍ୟନ୍ତ ସେଠାରେ କୌମଣି କ୍ଷୟକ୍ଷତି ହେବାର ସୂଚନା ମିଳିନାହିଁ । ମାତ୍ର ଭୂକମ୍ପର ତୀବ୍ରତା ୬.୨ ଥିବାରୁ ଲୋକମାନଙ୍କ ମଧ୍ୟରେ ଭୟ ରହିଛି ।
ଚିଲିରେ ଅନୁଭୂତ ହୋଇଥିବା ଭୂକମ୍ପ ସହ ଜଡିତ ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେବାରେ ଲାଗିଛି । ଯେଉଁଥିରେ ଭୂକମ୍ପ ଝଟକାରେ ଘରଗୁଡିକ ଥରି ଉଠିଥିଲା । ଘରର ଆବାସପତ୍ର ପଡି ଯାଇଥିଲା । ଭିଡିଓରେ ସ୍ପଷ୍ଟ ଦେଖିବାକୁ ମିଳିଥିଲା । ଲୋକମାନେ ଭୟଭୀତ ରହିଛନ୍ତି । ଟେକ୍ଟୋନିକ ପ୍ଲେଟଗୁଡିକର ଧକ୍କା ହେତୁ କମ୍ପନ ସୃଷ୍ଟି ହୋଇଥିଲା । ପ୍ରାୟ ସମୟରେ ବିଭିନ୍ନ ସ୍ଥାନରେ ଭୂକମ୍ପ ଅନୁଭୂତ ହେଉଛି । ଜଳବାୟୁ ପରିବର୍ତ୍ତନ ଯୋଗୁଁ ଭୂକମ୍ପ ହେଉଛି ।
