ମାଲକାନଗିରି,୧୧/୧୦ : ମା ଦୁର୍ଗାଙ୍କ ଆଗମନରେ ଧରା ପୃଷ୍ଠ ସଜେଇ ହୋଇଥିବାବେଳେ ବିଭିନ୍ନ ସ୍ଥାନରେ ମା’ଙ୍କ ଏହି ପୂଜାକୁ ହର୍ଷ ଉଲ୍ଲାସର ସହ ପାଳନ ଲାଗି ବିଭିନ୍ନ ସାଜ ସଜ୍ଜା କରାଯାଇଛି । ବିଭିନ୍ନ ପୂଜା ମଣ୍ଡପରେ ମୃଣ୍ମୟ ଦେବୀଙ୍କ ସହ ମନ୍ଦିର ସ୍ଥାୟୀ ପିଠେ ନୀତି କାନ୍ତି ଅନୁଯାୟୀ ପୂଜା ପାଳିତ ହୋଇଛି । ଏହିକ୍ରମରେ ମାଲକାନଗିରି ଜିଲ୍ଲାରେ ମଧ୍ୟ ଆଡମ୍ବର ସହକାରେ ଏହି ପୂଜା ପାଳିତ ହେଉଥିବାବେଳେ ବିଭିନ୍ନ ମନ୍ଦିର ପିଠରେ ମା’ଙ୍କ ନବମୀ ବେଶ ଦର୍ଶନ କରିଛନ୍ତି ଭକ୍ତମାନେ । ଆଜି ପୀଠ ଗୁଡିକରେ ନବମୀ ପୂଜା ପାଳନ ହେଉଥିବାବେଳେ ନବରାତ୍ରି ବ୍ରତ ଧାରୀମାନେ ମା’ଙ୍କ ପୂଜା କରିବା ସହ ନବ କନ୍ୟା ପୂଜନ କରିଛନ୍ତି । ବିଭିନ୍ନ ସ୍ଥାନରେ ଏହି ବ୍ରତଧାରୀ ଭକ୍ତମାନେ ୯ଜଣ ଛୋଟ ଛୋଟ କନ୍ୟାଙ୍କୁ ବିଭିନ୍ନ ବେଶରେ ସଜେଇ ବନ୍ଦାପନା କରିବା ସହ ପୂଜା କରିଥିବା ଦେଖିବାକୁ ମିଳିଛି । ଶାରଦୀୟ ଦୁର୍ଗାପୂଜା ପାଇଁ ଜିଲ୍ଲା ଚଳଚଞ୍ଚଳ ହୋଇଥିବାବେଳେ ମାଲକାନଗିରି ଜିଲ୍ଲା, ନବ ରାତ୍ରି ପୂଜାର ନବମୀ ଦିନରେ ଜିଲ୍ଲାର ଥିବା ଦୁର୍ଗା ମନ୍ଦିର ଗୁଡିକରେ ମା’ଙ୍କ ଦର୍ଶନ ପାଇଁ ବିଭିନ୍ନ ଦୁର୍ଗା ମନ୍ଦିରରେ ଭକ୍ତମାନଙ୍କ ଭିଡ଼ ଲାଗିଥିଲା।
ସେହିପରି ଜିଲ୍ଲାର ବିଭିନ୍ନ ସ୍ଥାନରେ ପ୍ରାୟ ଶତାଧିକ ଦୁର୍ଗା ମଣ୍ଡପ ଗୁଡିକରେ ଆଜି ଅଷ୍ଟମୀ ପୂଜା ଧୁମ ଧାମରେ ପାଳିତ ହେଉଥିବାବେଳେ ବିଶେଷ କରି ମାଲକାନଗିରି ସହରରେ ସୁବାଷ ବୋଷ ଛକ ଟାଉନ କ୍ଲବ ମଣ୍ଡପରେ ଛତିଶଗଡ଼ ରାଜ୍ୟର ପ୍ରତ୍ୟକ୍ଷ୍ୟ ଦେବୀ ମାତା ଦନ୍ତେଶ୍ଵରୀଙ୍କ ମନ୍ଦିର ଶୈଳୀରେ ପୂଜା ମଣ୍ଡପ ଓ ତୋରଣ ନିର୍ମାଣ ହୋଇଥବାରୁ ଏହା ବେଶ ଆକର୍ଷକ ହୋଇଛି । ଏହା ବ୍ୟତୀତ ଦଣ୍ଡକାରଣ୍ୟ ସର୍ବଜାନୀନ ପୂଜା ମଣ୍ଡପ, ଜିଲ୍ଲା ପୁଲିସ ପୂଜା ମଣ୍ଡପ, ଡିଏନଏ କେ ଛକ ମଣ୍ଡପ, କଲେଜ ଛକ ନୂଆଗୁଡା ମଣ୍ଡପ, ବସ ଷ୍ଟାଣ୍ଡ ମଣ୍ଡପ ସହିତ ଦୁର୍ଗାଗୁଡ଼ି ସାହିର ମୂଳପୀଠ ଦୁର୍ଗା ମନ୍ଦିର, ଏମଭି ୩ ମା ମଙ୍ଗଳା ମନ୍ଦିର, ଡିଏନକେ ଦୁର୍ଗା ମନ୍ଦିର ସହିତ ମୋଟ ୧୦ଟି ସ୍ଥାନରେ ବହୁ ଆଡ଼ମ୍ବର ସହକାରେ ପୂଜା ହୋମ ଯଜ୍ଞ ହୋଇଛି।
ବିଭିନ୍ନ ମଣ୍ଡପ ନିକଟରେ ସୁଉଚ୍ଚ ତୋରଣ ସାଙ୍ଗକୁ ସୁନ୍ଦର ଆଲୋକ ମାଳା ସଜା ଯାଇଛି। ବିଶେଷ କରି ବିଭିନ୍ନ ମଣ୍ଡପରେ ମା ଦୁର୍ଗାଙ୍କ ପଟଚିତ୍ର ଥାଇ ସେଲ୍ଫି ପଏଣ୍ଟ, ଭଜନ ସମାରୋହ, ରଙ୍ଗଲୀ, ଝୁଟି ମୁରୁଜ ପକାଯାଇ ପଥପ୍ରାନ୍ତ ଉତ୍ସବ ପାଳିତ ହୋଇଛି, ସକାଳେ, ମଧ୍ୟାହ୍ନ, ସନ୍ଧ୍ୟାରେ ବିଭିନ୍ନ ପୂଜା ମଣ୍ଡପ ନିକଟରେ ଭକ୍ତମାନଙ୍କ ପାଇଁ ଖିରି, ଖିଚିଡି, ପ୍ରସାଦ ସେବନ ର ବ୍ୟବସ୍ଥା କରାଯାଉଥିବା ଦେଖିବାକୁ ମିଳିଛି। ପ୍ରତିଦିନ ଶତାଧିକ ଭକ୍ତମାନେ ମଣ୍ଡପକୁ ଆସି ମାଙ୍କ ଦର୍ଶନ କରୁଛନ୍ତି। ସେହିପରି ଡିଏନକେ ପୂଜା କମିଟି ପକ୍ଷରୁ ଦଶହରା ଅବସରରେ ପଥ ଉତ୍ସବର ଆୟୋଜନ କରାଯାଇଥିବାବେଳେ ଲୋକଙ୍କ ମଧ୍ୟରେ ଏହି ପୂଜା ବେଶ ଖୁସି ଭରି ଦେଇଛି।
