ଭୁବନେଶ୍ୱର,୦୮/୧୦: ଦୁର୍ଗା ପୂଜାରେ ଭକ୍ତମୟ ହୋଇଉଠିବ ଜନପଥ, କଟକରୋଡ, ଏନ୍ଏଚ୍-୧୬ ସମେତ ଅନ୍ୟାନ୍ୟ ପ୍ରମୁଖ ରାସ୍ତା । ଟ୍ରାଫିକ୍ ଯନ୍ତ୍ରଣାରେ ଘାଣ୍ଟି ହେବେ ହଜାର ହଜାର ଭକ୍ତ । ଆସନ୍ତା ୯ ତାରିଖରୁ ଭସାଣି ଯାତ୍ରା ସରିବା ଯାଏଁ କମିଶନରେଟ୍ ପୁଲିସ୍ ଏନେଇ ଟ୍ରାଫିକ୍ କଟକଣା ଜାରି କରିଛି । ଅପରାହ୍ଣ ୩ଟାରୁ ରାତି ୧ଟା ଯାଏଁ ସହର ଭିତରେ ଭାରୀଯାନ ପ୍ରବେଶରେ ରୋକ୍ ଲଗାଇଛି ।
୧୬ ନମ୍ବର ଜାତୀୟ ରାଜପଥ(ଏନ୍ଏଚ୍)ରେ ହିଁ ଭାରୀଯାନ ଯା’ ଆସ କରିବ । କିନ୍ତୁ ଫ୍ଲାଏଓଭରକୁ ଲାଗିକି ଥିବା ସମସ୍ତ ସର୍ଭିସ୍ ରୋଡରେ ଭାରୀଯାନ ପ୍ରବେଶରେ ରୋକ୍ ଲାଗିଛି । ସେହିପରି ଏନ୍ଏଚ୍ଠାରୁ ସହର ଭିତରକୁ ଲମ୍ବିଥିବା କୌଣସି ରାସ୍ତାରେ ଭାରୀଯାନ ପଶିପାରିବନି । ଖଣ୍ଡଗିରି ଛକଠାରୁ ପୋଖରୀପୁଟ ଯାଏଁ, ଫାୟାର ଷ୍ଟେସନ ଛକଠୁ ପାଇକ ନଗର, ଶିରିପୁର, ଗଙ୍ଗନଗର ନେଇ ଶିଶୁଭବନ ଓ ସିଆରପି ଛକଠୁ ଷ୍ଟିୱାର୍ଟ ସ୍କୁଲ୍, ଡିଏଭି ସ୍କୁଲ୍ ୟୁନିଟ୍-୮ ରାସ୍ତା ଯାଏଁ ଭାରୀଯାନ ଚଳାଚଳକୁ ବନ୍ଦ କରାଯିବ ।
Public Notice
— COMMISSIONERATE POLICE (@cpbbsrctc) October 7, 2024
Durga Puja festival will be celebrated in Bhubaneswar UPD from 09.10.2024 to 13.10.2024 . pic.twitter.com/O5PGlfSqS2
ସମାନ ଢ଼ଙ୍ଗରେ ଜୟଦେବିହାର ଛକଠୁ କଳିଙ୍ଗ ଷ୍ଟାଡିୟମ, ଶାସ୍ତ୍ରୀନଗର ଦେଇ ରାଜଭବନ ଯାଏଁ, ଆରପାଶ୍ୱର୍ରେ ଜାଭିୟର, କଳିଙ୍ଗ ହସ୍ପିଟାଲ, ଡମଣା, ପଟିଆ ଦେଇ ନନ୍ଦନକାନନ ଯାଏଁ ଭାରୀଯାନ ଗଡି଼ବନି । ଆଚାର୍ଯ୍ୟ ବିହାର ଛକଠୁ ନିକୋ ପାର୍କ ଦେଇ ଏଜି ଛକ ଯାଏଁ, ଅପରପାଶ୍ୱର୍ରେ ସୈନିକ ସ୍କୁଲ୍ ଦେଇ କଳିଙ୍ଗ ହସ୍ପିଟାଲ୍ ଛକ ଯାଏଁ ଭାରୀଯାନ ନିଷେଧ ହୋଇଛି । ବାଣୀବାହାର ଛକରୁ ଜନପଥରେ ଶିଶୁ ଭବନ ଯାଏଁ ଏବଂ ରସୁଲଗଡ଼ ଛକରୁ କଟକ ରୋଡ ଦେଇ କଳ୍ପନା ଛକ ଯାଏଁ ଓ ସେଠାରୁ ଲୁଇସ୍ ରୋଡ ଦେଇ ଲିଙ୍ଗିପୁର ଛକ ଯାଏଁ ଗୋଟିଏ ବି ଭାରୀଯାନ ଗଡିବନି ।
ଭାରୀଯାନ ପାଇଁ ଖୋଲାଯିବ ଚନ୍ଦକା-ବାରଙ୍ଗ ରାସ୍ତା
ଭିଡ଼କୁ ଦୃଷ୍ଟିରେ ରଖି ପିତାପଲ୍ଲୀ ଛକଠୁ ଚନ୍ଦକା ବାରଙ୍ଗ ରାସ୍ତାକୁ ଭାରୀଯାନ ପାଇଁ ଖୋଲାଯିବ । ଖୋର୍ଦ୍ଧା ପଟୁ ଆସୁଥିବା ଭାରୀଯାନ ପିତାପଲ୍ଲୀ ଛକ ଠାରୁ ବାମ ମୁହାଁ ହୋଇ ଚନ୍ଦକା-ବାରଙ୍ଗ ରାସ୍ତାରେ ବାଲିକୁଦାରେ ଏନ୍ଏଚ୍-୧୬କୁ ଛୁଇଁପାରିବେ । ରାବଣ ପୋଡ଼ି ବେଳେ କଟକ ପଟୁ ଆସୁଥିବା ଗାଡିଗୁଡିକ ଜୟଦେବବିହାରରୁ ବେହେରା ସାହି ଦେଇ ଶାସ୍ତ୍ରୀ ନଗର, ପାୱାର ହାଉସ୍, ୟୁନିଟ୍-୮ ଦେଇ ସିଆର୍ପି ଛକରେ ବାହାରିପାରିବେ ।
କଳ୍ପନା-ଫାୟାର ଷ୍ଟେସନ ଛକ ରାସ୍ତାରେ
ପୁରୀ ବସ୍ ଯିବ ପୁରୀ ଆଡୁ ଆସୁଥିବା ଯାତ୍ରୀବାହୀ ବସ୍ ଲିଙ୍ଗିପୁର ଛକଠାରୁ ସାମନ୍ତରାପୁର, କଳ୍ପନା, ରାଜମହଲ, ଶିଶୁଭବନ ଛକ ଦେଇ ଗଙ୍ଗନଗରରୁ ଫାୟର ଷ୍ଟେସନ ଛକରେ ବାହାରି ସର୍ଭିସ୍ ରୋଡରେ ବରମୁଣ୍ଡାକୁ ଯିବେ । ପୁରୀକୁ କଟକ ଯା’ ଆସ କରୁଥିବା ବସ୍ଗୁଡିକ ସହର ଭିତରକୁ ପଶି ପାରିବନି । ଏସବୁ ବସ୍ ପାଇଁ ଲିଙ୍ଗିପୁର ବ୍ରିଜ୍-ହାଇଟେକ ମେଡିକାଲ ଛକ ବାଇପାସ୍ ରାସ୍ତା ଖୋଲାଯାଇଛି ।
ଭସାଣି ପାଇଁ ସ୍ୱତନ୍ତ୍ର ରୁଟ୍
ସହିଦ୍ନଗରରେ ଭସାଣି ଯାତ୍ରା ପାଇଁ ବାଣୀବିହାରରୁ ରୂପାଲି ଛକ ରାସ୍ତାରେ କୌଣସି ଗାଡି ଗଡିବନି । କାର, ବାଇକ୍ଗୁଡିକ ଜନପଥରେ ନ ଯାଇ ସଚିବାଳୟ ମାର୍ଗ ଓ ଏହା ସଂଲଗ୍ନ ରାସ୍ତାରେ ଯା’ ଆସ କରିବ । ରାଜଧାନୀ ସୁରକ୍ଷା ଭସାଣି ସମିତି ପାଇଁ ନୂଆପଲ୍ଲୀ ଭସାଣି ଯାତ୍ରାରେ ସିଆର୍ପି ଛକଠାରୁ ରାସ୍ତାକୁ ବନ୍ଦ କରାଯିବ । ସିଆରପିଠାରୁ ଏକାମ୍ର ଭିଲ୍ଲା ରାସ୍ତା ଦେଇ ଗାଡିଗୁଡିକ ଜୟଦେବବିହାରରେ ବାହାରି ପାରିବ । କଟକ ପଟୁ ଗାଡି଼ ଆସିଲେ, ଜୟଦେବବିହାର ଛକଠୁ ବାମକୁ ମୋଡି ବେହେରା ସାହି, ଶାସ୍ତ୍ରୀ ନଗର, ପାୱାର ହାଉସ୍ ଓ ୟୁନିଟ୍-୮ ଡିଏଭି ସ୍କୁଲ ଦେଇ ସିଆର୍ପିରେ ବାହାରି ପାରିବ । ଉତ୍ତର ଭୁବନେଶ୍ୱର ଭସାଣି ଯାତ୍ରା ପାଇଁ କିଟ୍ ଛକଠୁ ନାଲକୋ ଛକ ଯାଏ ରାସ୍ତା ବନ୍ଦ ରଖାଯିବ । ନନ୍ଦନକାନନ ରାସ୍ତା ଦେଇ ଜୟଦେବବିହାର ଯାଇପାରିବ । ଖୋର୍ଦ୍ଧା ଆଡୁ ଆସୁଥିବା ଭାରୀ ଯାନ ଫାୟାରଷ୍ଟେସନ
