ଭୁବନେଶ୍ୱର,୨୯/୦୮: ରାଜ୍ୟରେ ବର୍ତ୍ତମାନ ଡେଙ୍ଗୁ ରୋଗ ସ୍ଥିର ରହିଛି । ସୁନ୍ଦରଗଡ ଓ ଖୋର୍ଦ୍ଧାରେ ଆକ୍ରାନ୍ତଙ୍କ ସଂଖ୍ୟା ଅଧିକା ରହିଥିବା ସତ୍ତ୍ୱେ ଚିନ୍ତାର କୌଣସି କାରଣ ନାହିଁ । ଚଳିତ ବର୍ଷ ୭୫ ହଜାରରୁ ଅଧିକା ଡେଙ୍ଗୁ ପରୀକ୍ଷା କରାଯାଇଛି । ପ୍ରତ୍ୟେକ ଦିନ ୩୦୦୦ ରୁ ଅଧିକା ଟେଷ୍ଟ କରାଯାଉଛି । ସେଥିରୁ ୫୦ ରୁ ୬୦ ଜଣ ଚିହ୍ନଟ ହେଉଛନ୍ତି ।

ସୂଚନା ଅନୁଯାୟୀ, କିଛି ଦିନ ତଳେ ରାଜ୍ୟରେ ବ୍ୟପିଥିଲା ଡେଙ୍ଗୁ । ବଢୁଥିବା ଡେଙ୍ଗୁ ସ୍ଥିତି ପାଇଁ ସ୍ବାସ୍ଥ୍ୟ ବିଭାଗ ବେଶ ସତର୍କ ରହିଥିଲେ । ସ୍ୱାସ୍ଥ୍ୟ ବିଭାଗର ଟିମ୍‌ ବିଭିନ୍ନ ସ୍ଥାନରେ ସ୍ଥିତି ଅନୁଧ୍ୟାନ କରିଥିଲେ । କିନ୍ତୁ ଏବେ ସ୍ଥିତି ନିୟନ୍ତ୍ରଣ ହୋଇଛି । ସୁନ୍ଦରଗଡ ଓ ଖୋର୍ଦ୍ଧାରେ ଆକ୍ରାନ୍ତଙ୍କ ସଂଖ୍ୟା ଅଧିକା ଥିଲେ ମଧ୍ୟ ଚିନ୍ତାର କୌଣସି ବିଷୟ ନାହିଁ । ସୁନ୍ଦରଗଡରେ ଏବେବି ୩ଟି ଟିମ୍‌ ପରିସ୍ଥିତିକୁ ଅନୁଧ୍ୟାନ କରୁଛନ୍ତି । ସ୍ୱାସ୍ଥ୍ୟ ବିଭାଗ ଡେଙ୍ଗୁ ପାଇଁ ଆଲର୍ଟ ରହିଥିବାରୁ ଆଉ ବିଶେଷ ବ୍ୟାପିବ ନାହିଁ ।  ସେପଟେ ଔଷଧୀୟ ମଶାରୀ ଆସିସାରିଛି ଏବଂ ପ୍ରତ୍ୟେକ ଜିଲ୍ଲାକୁ ପଠାଇ ଦିଆଯାଇଛି । ଏହା ଖୁବ ଶୀଘ୍ର ଲୋକଙ୍କୁ ବଣ୍ଟା ଯିବ । ଏନେଇ ଜନସ୍ୱାସ୍ଥ୍ୟ ନିର୍ଦ୍ଦେଶକ ସୂଚନା ଦେଇଛନ୍ତି ।