ନୂଆଦିଲ୍ଲୀ,୨୯।୬: ଲଗାଣ ବର୍ଷାରେ ବେହାଲ ରାଜଧାନୀ ଦିଲ୍ଲୀ। ୮୮ ବର୍ଷର ରେକର୍ଡ ଭାଙ୍ଗିଛି ବର୍ଷା। ଭୟଙ୍କର ବର୍ଷା ଯୋଗୁଁ ଏପର୍ଯ୍ୟନ୍ତ ୨ ଶିଶୁଙ୍କ ସହ ମୋଟ ୭ ଜଣଙ୍କର ମୃତ୍ୟୁ ହୋଇଛି। କେବଳ ସେତିକି ନୁହେଁ ରାସ୍ତାଘାଟଠୁ ନେଇ ବିମାନବନ୍ଦର ସବୁଠି ଜଳବନ୍ଦୀ ପରିସ୍ଥିତି। ସ୍ଥିତି ଏତେ ଭୟଙ୍କର ଯେ, ରାସ୍ତାରେ ବସ୍ ଟ୍ରକ୍ ମଧ୍ୟ ବୁଡି ଯାଉଛି। ଏହାପରେ ଉଦ୍ଧାରକାରୀ ଦଳ ଲୋକଙ୍କୁ ସୁରକ୍ଷିତ ସ୍ଥାନକୁ ନେବାର କାମ ଚାରି ରଖିଛି।
୪ଟି ଅଲଗା ଅଲଗା ଘଟଣାକ୍ରମରେ ୭ ଜଣଙ୍କର ମୃତ୍ୟୁ ହୋଇଛି। ସେମାନଙ୍କ ଭିତରେ ୮ରୁ ୧୦ ବର୍ଷର ଶିଶୁ ରହିଛନ୍ତି। କୁହାଯାଉଛ ଯେ, ସେମାନେ ଖେଳିବା ସମୟରେ ହଠାତ ବୁଡି ଯାଇଥିଲେ। ଆଉ ଏକ ଘଟଣାରେ ଜଣେ ବୟସ୍କ ଲୋକ ଅଣ୍ଡରପାସ୍ରେ ବର୍ଷା ପାଣି ଯୋଗୁ ବୁଡି ମୃତ୍ୟୁ ହୋଇଛି।
ବସନ୍ତ ବିହାରରେ ତିନି ଜଣ ଶ୍ରମିକଙ୍କର ମୃତ୍ୟୁ ହୋଇଛି। ପ୍ରବଳ ବର୍ଷା କାରଣରୁ ଏକ ନିର୍ମାଣଧିନ କାନ୍ଥ ଖସି ପଡିଥିଲା। ଫଳରେ ମାଟି ତଳେ ଚାପି ହୋଇ ୩ ଜଣ ଶ୍ରମିକଙ୍କ ମୃତ୍ୟୁ ହୋଇଛି। ଉଦ୍ଧାରକାରୀ ଦଳ ତିନି ଜଣ ଶ୍ରମିକଙ୍କ ମୃତଦେହକୁ ବାହାର କରିଛି। ଏହାଛଡା ପ୍ରବଳ ବର୍ଷା ଯୋଗୁଁ ଦିଲ୍ଲୀର ଏୟାରପୋର୍ଟର ଟର୍ମିନାଲ-୨ର ଛାତର ଏକ ଅଂଶ ଧସି ଯିବା କାରଣରୁ ଜଣଙ୍କର ମୃତ୍ୟୁ ହୋଉଛି।
ସୂଚନା ଅନୁସାରେ, ଉସମାନପୁର ଅଞ୍ଚଳର ବନ୍ୟା ପାଣିରେ ଭାସିଯାଇ ଜଣେ ୮ ଏବଂ ଅନ୍ୟ ଜଣେ ୧୦ ବର୍ଷର ନାବାଳକଙ୍କ ମୃତ୍ୟୁ ଘଟିଛି। ସେମାନେ ଖେଳୁଥିବା ସମୟରେ ପାଣିରେ ଭାଲି ଯାଇଥିଲେ। ସେହିପରି ବସନ୍ତ ବିହାର ନିକଟରେ ଏକ ନିର୍ମାଣଧିନ ପାଚେରୀ ଭୁଶୁଡ଼ି ତିନି ଜଣଙ୍କର ମୃତ୍ୟୁ ଘଟିଛି। ଅନ୍ୟପଟେ ଇନ୍ଦିରା ଗାନ୍ଧି ଅନ୍ତର୍ଜାତୀୟ ବିମାନବନ୍ଦରର ଟର୍ମିନାଲ-୧ ଛାତ ଭୁଶୁଡିବା ପରେ ଜଣେ ଟ୍ୟାକ୍ସି ଡ୍ରାଇଭରଙ୍କ ମୃତ୍ୟୁ ଘଟିଛି। ଏଥିରେ ଅନ୍ୟ ୫ ଜଣ ଆହତ ମଧ୍ୟ ହୋଇଛନ୍ତି। ଏଥିସହ ଏକାଧିକ କାର୍ ଓ ବହୁ ମୂଲ୍ୟର ସମ୍ପତ୍ତି ମଧ୍ୟ ନଷ୍ଟ ହୋଇଛି। ପାଣିପାଗ ବିଭାଗର ସୂଚନା ଅନୁସାରେ, ୧୯୩୬ ପରେ ସହରରେ ଗତ ୮୮ ବର୍ଷରେ ଜୁନ୍ରେ ସବୁଠାରୁ ଅଧିକ ବର୍ଷା ରେକର୍ଡ କରାଯାିଛି। ୧୯୦୧ ରୁ ୨୦୨୪ ମଧ୍ୟ ଏହା ଦ୍ବିତୀୟ ସବୁଠାରୁ ବଡ ବର୍ଷା।