ଯାଜପୁର, ୨୬/୦୭ : ନାଚୁ ନାଚୁ ଚାଲିଗଲେ ନୃତ୍ୟ ଗୁରୁ। ଯାତ୍ରା ଯାଜ୍ଞସେନୀ ଅପେରାରେ କାର୍ଯ୍ୟରତ ନୃତ୍ୟ ଗୁରୁ ମାୟାଧର ଜେନାଙ୍କ ଆକସ୍ମିକ ମୃତ୍ୟୁ ଘଟିଛି। ଛାତିରେ ଯନ୍ତ୍ରଣା ଅନୁଭବ କରିବାରୁ ତାଙ୍କୁ ଯାଜପୁର ରୋଡ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି। ପାଣିକୋଇଲି ଥାନା ସଠିପୁର ଠାରେ ଥିବା ଅପେରା କ୍ୟାମ୍ପରେ ଘଟିଛି ଏଭଳି ଅଘଟଣ।
ସୂଚନାଯୋଗ୍ୟ, ଶୁକ୍ରବାର ପୂର୍ବାହ୍ନ ସମୟରେ ଯାଜପୁର ସଠିପୁର ଠାରେ ଯାତ୍ରା ଯାଜ୍ଞସେନୀ ଅପେରା କ୍ୟାମ୍ପରେ ରିହର୍ସଲ ଚାଲିଥିଲା। ଏତିକି ବେଳେ ନୃତ୍ୟ ଗୁରୁ ମାୟାଧର ହଠାତ୍ ଛାତିରେ ଯନ୍ତ୍ରଣା ଅନୁଭବ କରିଥିଲେ । ତାଙ୍କୁ ନିକଟସ୍ଥ ଯାଜପୁର ରୋଡ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ହେଲେ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଛନ୍ତି। ମାୟାଧରଙ୍କ ମୃତ୍ୟୁ ଖବର ପାଇ ଯାତ୍ରା କଳାକାରଙ୍କ ମଧ୍ୟରେ ଶୋକରେ ଛାୟା ଖେଳି ଯାଇଛି।