ଭୁବନେଶ୍ୱର,୨୩/୧୦: ଭୟଙ୍କର ରୂପ ନେଇ ମାଡ଼ି ଆସୁଛି ବାତ୍ୟା 'ଦାନା' । ବର୍ତ୍ତମାନ ଦକ୍ଷିଣ ପୂର୍ବ ପାରାଦ୍ଵୀପ ଠାରୁ ୫୬୦ କିଲୋମିଟର ଦୂରରେ ରହିଥିବା ବେଳେ ଦକ୍ଷିଣ ଦକ୍ଷିଣ ପୂର୍ବ ସାଗର ଦ୍ଵୀପ ଠାରୁ ୬୩୦ କିଲୋମିଟର ଏବଂ ଖେପୂପରା ଠାରୁ ମଧ୍ୟ ୬୩୦ କିଲୋମିଟର ଦୂରରେ ରହିଛି ବାତ୍ୟା 'ଦାନା'।
ଘଣ୍ଟା ପ୍ରତି ୧୮ କିଲୋମିଟର ଗତିରେ ଆଗକୁ ବଢୁଛି ବାତ୍ୟା 'ଦାନା' । ଏହା ଅକ୍ଟୋବର ୨୪ ତାରିଖ ଅର୍ଥାତ ଗୁରୁବାର ଉତ୍ତର ପଶ୍ଚିମ ବଙ୍ଗୋପସାଗରକୁ ଗତି କରି ଗଭୀର ବାତ୍ୟାରେ ପରିଣତ ହେବ । ଗୁରୁବାର ସକାଳେ ବାତ୍ୟା ଉତ୍ତର ଓଡ଼ିଶା ଏବଂ ପଶ୍ଚିମବଙ୍ଗକୁ ପାର କରିବାର ସମ୍ଭାବନା ରହିଛି । ଏହି ସମୟରେ ପବନର ବେଗ ଘଣ୍ଟାପ୍ରତି ୧୦୦ରୁ ୧୨୦ କିଲୋମିଟର ରହିବ ବୋଲି ପାଣିପାଗ ବିଭାଗ ତରଫରୁ ପୂର୍ବାନୁମାନ କରାଯାଇଛି ।