କଟକ ୨୨/୧୦: ସମ୍ଭାବ୍ୟ ବାତ୍ୟାର ମୁକାବିଲା ପାଇଁ କମିଶନରେଟ ପୋଲିସ ସମ୍ପୂର୍ଣ୍ଣ ପ୍ରସ୍ତୁତ। ବାତ୍ୟା ସମୟରେ ଲୋକଙ୍କୁ ସମସ୍ତ ପ୍ରକାର ସାହାଯ୍ୟ କରାଯିବ। ଯେଉଁ ଅଞ୍ଚଳରେ ଲୋକମାନେ ପାଣି ଘେରରେ ଥିବେ ସେମାନେ ସାହାଯ୍ୟ ପାଇଁ ଯୋଗାଯୋଗ କରିପାରିବେ । ପୋଲିସ ସେମାନଙ୍କୁ ସହଯୋଗର ହାତ ବଢାଇବ ବୋଲି କହିଛନ୍ତି ପୋଲିସ କମିଶନର ଏସ୍‌ ଦେବ ଦତ୍ତ ସିଂ।

ପୋଲିସ କମିଶନର କହିଛନ୍ତି ଯେ, ସମ୍ଭାବ୍ୟ ବାତ୍ୟା ଦାନା ମୁକାବିଲା ପାଇଁ ଟ୍ବିନ୍‌ସିଟିର ସମସ୍ତ ପୋଲିସ ଷ୍ଟେସନ୍ ପ୍ରସ୍ତୁତ ରହିଛି। ସବୁ ଥାନା ଅଧିକାରୀଙ୍କୁ ୨୪ ଘଣ୍ଟିଆ ସଜାଗ ରହିବାକୁ ନିର୍ଦ୍ଦେଶ ଦିଆଯାଇଛି। ସମସ୍ତ ଆବଶ୍ୟକୀୟ ସାମଗ୍ରୀ ମହଜୁଦ ରଖିବାକୁ କୁହାଯାଇଛି। ସେହିଭଳି ବିଭିନ୍ନ ଥାନା ଅଞ୍ଚଳରେ ଘଟୁଥିବା କଳାବଜାରୀ ଉପରେ ରୋକ ଲାଗାଇବା ସହ କାର୍ଯ୍ୟନୁଷ୍ଠାନ ନେବାକୁ  ନିର୍ଦ୍ଦେଶ ଦିଆଯାଇଛି।