କରଞ୍ଜିଆ, ୧୨।୧ : ମର୍ମନ୍ତୁଦ ଦୁର୍ଘଟଣା। ଏକ ବାଇକ ଯୋଗେ ଦମ୍ପତି ଯାଉଥିବା ବେଳେ କୁକୁଡ଼ା ବୋଝେଇ ବୋଲେରୋ ପିକଅପ୍ ଭ୍ୟାନ୍ ସହ ମୁହାଁମୁହିଁ ଧକ୍କା ହୋଇଥିଲା। ଏଥିରେ ଦମ୍ପତି ମୃତ୍ୟୁ ଘଟିଛି। କରଞ୍ଜିଆ- ଠାକୁରମୁଣ୍ଡା ରୋଡ କେନ୍ଦୁଜୁମୁଣ୍ଡି ଜଙ୍ଗଲ ନିକଟରେ ଘଟିଛି ଏହି ଦୁର୍ଘଟଣା।
ଏକ ବାଇକ ଯୋଗେ ଦମ୍ପତି ଯାଉଥିଲେ। କରଞ୍ଜିଆ- ଠାକୁରମୁଣ୍ଡା ରୋଡ କେନ୍ଦୁଜୁମୁଣ୍ଡି ଜଙ୍ଗଲ ନିକଟରେ ଏକ କୁକୁଡା ବୋଝେଇ ପିକଅପ ଭ୍ୟାନ ସହ ମୁହାଁମୁହିଁ ଧକ୍କା ହୋଇଥିଲା। ଘଟଣା ସ୍ଥଳରେ ସ୍ତ୍ରୀର ମୃତ୍ୟୁ ହୋଇଥିଲା। ସ୍ୱାମୀ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ କରଞ୍ଜିଆ ମେଡ଼ିକାଲ ନିଆଯାଉଥିଲା। ମେଡିକାଲରେ ପହଞ୍ଚିବା ପୂର୍ବରୁ ମୃତ୍ୟୁ ଘଟିଛି । ଦୁର୍ଘଟଣା ପରେ କ୍ଷତି ପୂରଣ ଦାବିରେ ସେଠାରେ ସ୍ଥାନୀୟ ଲୋକଙ୍କ ଦ୍ଵାରା ଚାପା ଉତ୍ତେଜନା ସୃଷ୍ଟି ହୋଇଥିଲା। ଘଟଣା ସ୍ଥଳରେ କରଞ୍ଜିଆ ପୋଲିସ ପହଞ୍ଚି ଉତ୍ତେଜିତ ଲୋକଙ୍କୁ ବୁଝାସୁଝା କରିବା ସହ ଅଧିକ ତଦନ୍ତ ଜାରି ରଖିଛି । ତେବେ ସ୍ଵାମୀ ଓ ସ୍ତ୍ରୀ ଦୁଇଜଣ ମହୁଲଡିହା ଥାନା ଚିରୁପଦା ଗାଁର ବୋଲି ଜଣାପଡିଛି ।
