ନୂଆଦିଲ୍ଲୀ,୨୨/୧୨: ଛତିଶଗଡରେ ମର୍ମନ୍ତୁଦ ସଡ଼କ ଦୁର୍ଘଟଣା । ଭାରସାମ୍ୟ ହରାଇ ଓଲଟିଲା ଟ୍ରକ । ଫଳରେ ଚାଲିଗଲା ୫ ଜଣଙ୍କ ଜୀବନ । ସେହିପରି ଏଥିରେ ଏକାଧିକ ଆହତ ହୋଇଥିବା ଜଣାପଡ଼ିଛି। ତେବେ ଛତିଶଗଡ଼ ବସ୍ତର ଜିଲ୍ଲାରୁ ଏହି ଘଟଣା ସାମ୍ନାକୁ ଆସିଛି।
ସୂଚନା ମୁତାବକ, ଏହି ଟ୍ରକରେ ଏକାଧିକ ୪୫ରୁ ଅଧିକ ଯାତ୍ରୀ ଯାତ୍ରା କରୁଥିଲେ। ଛତିଶଗଡର ବସ୍ତର ଜିଲ୍ଲାରେ ଭୋର ୪.୩୦ ମିନିଟରେ ଟ୍ରକଟି ଯାଉଥିବା ବେଳେ ଭାରସାମ୍ୟ ହରାଇ ଓଲଟି ପଡିଥିଲା । ଫଳରେ ଘଟଣାସ୍ଥଳରେ ୫ ଜଣଙ୍କ ମୃତ୍ୟୁ ହୋଇଛି । ସେହିପରି ୩୦ ରୁ ଉର୍ଦ୍ଧ୍ବ ଆହତ ହୋଇଛନ୍ତି । ବସ୍ତରଜିଲ୍ଲା ଦରଭା ଘାଟିରେ ଏହି ଟ୍ରକଟି ଓଲଟିପଡିଛି। ଚନ୍ଦାମେଟା ସପ୍ତାହିକ ହାଟରୁ ଏହି ଟ୍ରକ୍ ଫେରୁଥିବା ବେଳେ ଘଟଣା ଘଟିଥିବା ଜଣାପଡିଛି। ଏନେଇ ଜଣେ ମେଡ଼ିକାଲ ଅଫିସର ଦିଲ୍ଲୀପ କସ୍ୟପ କହିଛନ୍ତି ଯେ, 'ଆମେ ଭୋର ୪.୩୦ରେ ଖବର ପାଇଲୁ ଦୁର୍ଘଟଣା ହୋଇଥିବା ନେଇ। ଏଥିରେ ପାଖପାଖି ୩୦ ଲୋକ ଆହତ ହୋଇ ଡ଼ାକ୍ତରଖାନାରେ ଭର୍ତ୍ତି ହୋଇଥିବା ବେଳେ ୫ ଜଣଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା ।'
