ନୂଆଦିଲ୍ଲୀ,୨୨/୧୨: ଦୁଇ ଦିନିଆ କୁଏତ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ପ୍ରଥମ ଦିନରେ କୁଏତରେ ଥିବା ଭାରତୀୟ ଶ୍ରମିକଙ୍କ ସହିତ କଥା ହୋଇଥିଲେ । ସେମାନଙ୍କ ମଧ୍ୟରେ ଥିବା ଓଡିଶାର ଜଣେ ଶ୍ରମିକଙ୍କ ସହ କଥା ହୋଇଥିଲେ । ଜୟ ଜଗନ୍ନାଥ କହି ଓଡିଆ ଶ୍ରମିକଙ୍କ ସହ ବାର୍ତ୍ତାଳପ କରିଥିଲେ ପ୍ରଧାନମନ୍ତ୍ରୀ । ପ୍ରବାସୀ ଶ୍ରମିକଙ୍କ ସହ ଭାବ ଆଦାନ ପ୍ରଦାନ ସହ ଭୋଜନ କରିଥିଲେ ମୋଦି ।

କୁଏତରେ ପ୍ରଧାନମନ୍ତ୍ରୀଙ୍କୁ ପାଖରେ ପାଇ ଭାରତୀୟ ଶ୍ରମିକମାନେ ଖୁସି ବ୍ୟକ୍ତ କରିଥିଲେ । ସେମାନଙ୍କ ମଧ୍ୟରୁ ଓଡିଶାର ଜଣେ ଶ୍ରମିକଙ୍କ ସହ କଥା ହୋଇଥିଲେ ପ୍ରଧାନମନ୍ତ୍ରୀ । ଗଞ୍ଜାମ ଜିଲ୍ଲା ଖଲ୍ଲିଖୋଟ ଅଞ୍ଚଳର ଜଣେ ଶ୍ରମିକ ପ୍ରଧାନମନ୍ତ୍ରୀଙ୍କୁ ତାଙ୍କ ପରିଚୟ ଦେଇଥିଲେ । ଏହାପରେ ପ୍ରଧାନମନ୍ତ୍ରୀ ଜୟ ଜଗନ୍ନାଥ କହିଥିଲେ । ଓଡିଆ ଶ୍ରମିକ ଜଣଙ୍କ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ କହିଥିଲେ । ୧୪୦ କୋଟି ଦେଶବାସୀଙ୍କ ଝାଳ ବୁହା ପରିଶ୍ରମ ପାଇଁ ଦେଶ ଆଗଉଛି ବୋଲି କହିଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।

#WATCH | Prime Minister Narendra Modi visited Gulf Spic Labour Camp and interacted with Indian workers, in Kuwait yesterday.

PM Modi, says "Development for me does not only mean good roads, good airports, good railway stations. I want toilets in the houses of the poorest of… pic.twitter.com/hZU1a2rCIp

— ANI (@ANI) December 22, 2024

ସେହିପରି ଅନ୍ୟଜଣେ ଶ୍ରମିକଙ୍କ ସହ କଥା ହୋଇ ପ୍ରଧାନମନ୍ତ୍ରୀ କହିଥିଲେ, ଦେଶରେ ବିକାଶ ହେଉଛି ଭଲ କଥା ।  ବିକାଶର ମାନେ ନୁହେଁ କେବଳ ଭଲ ରାସ୍ତା, ଭଲ ଏୟାରପୋର୍ଟ, ଭଲ ରେଳ ଷ୍ଟେସନ । ବିକାଶର ପ୍ରକୃତ ଅର୍ଥ ପ୍ରତି ଘରେ ଶୌଚାଳୟ । ଗରିବଙ୍କ ଘରେ ଶୌଚାଳୟ ହେବା ମୋର ଲକ୍ଷ୍ୟ । ଆମେ ୧୧କୋଟି ଶୌଚାଳୟ ତିଆରି କରିଛୁ । ୪କୋଟି ପକ୍କା ଘର ଗରିବଙ୍କୁ ଦେଉଛୁ । ମାତ୍ର ଆହୁରି କାମ କରିବାର ଅଛି । ମୋ ପାଇଁ ସବୁଠୁ ଗୁରୁତ୍ବପୂର୍ଣ୍ଣ ହେଉଛି ଗରିବଙ୍କ ଗରିମା । ସେମାନଙ୍କ ମୌଳିକ ଆବଶ୍ୟକତା ପୂରଣ ହେବ ତାହାକୁ ଗୁରୁତ୍ବ ଦିଆଯାଉଛି । ସେମାନଙ୍କୁ ଯେପରି କାହାକୁ କିଛି ନମାଗିବାକୁ ପଡୁ ସେ ଦିଗରେ ୧୦ ବର୍ଷ ହେବ କାମ କରୁଛୁ ।