ନୂଆଦିଲ୍ଲୀ,୨୯।୬: ନିଟ୍ ପେପର ଲିକ୍ ମାମଲାରେ ଆକ୍ସନ ମୁଡରେ ସିବିଆଇ। ଗୁଜରାଟର ୭ଟି ସ୍ଥାନରେ ସିବିଆଇ ପକ୍ଷରୁ ଶନିବାର ହୋଇଛି ଚଢାଉ। ଗୁଜରାଟର ୪ଟି ଜିଲ୍ଲଂ ଆଣନ୍ଦ, ଖେଡା, ଅହମ୍ମଦାବାଦ ଓ ଗୋଧ୍ରାର ୭ଟି ସ୍ଥାନରେ ଚଢାଉ ହୋଇଛି। ଏହା ପୂର୍ବରୁ ସିବିଆଇ ଶୁକ୍ରବାର ଝାଡଖଣ୍ଡର ଏକ ସ୍କୁଲ ଉପରେ ଚଢାଉ କରି ପ୍ରିନ୍ସପାଲ ଓ ଭାଇସ୍ ପ୍ରିନ୍ସପାଲଙ୍କ ଗିରଫ କରିଥିଲା।
ସିବିଆଇ ଅଧିକାରୀମାନେ କହିଛନ୍ତି, ହଜାରିବାଗ ସ୍ଥିତ ଓଏସିସ୍ ସ୍କୁଲର ପ୍ରିନ୍ସପାଲ ଏହସାନୁଲ ହକ୍ଙ୍କୁ ୫ ମଇରେ ଏନ୍ଟିଏ ଦ୍ବାରା ଆୟୋଜିତ ମେଡିକାଲ ପ୍ରବେଶିକା ପରୀକ୍ଷା ପାଇଁ ହଜାରିବାଗ୍ ସିଟି କୋଅର୍ଡିନେଟର ହୋଇଥିଲେ। ସେଭଳି ସ୍କୁଲର ଭାଇସ୍ ପ୍ରିନ୍ସନାଲ ଇମତିଆଜ ଆଲମଙ୍କୁ ଏନଟିଏର ପର୍ଯ୍ୟବେକ୍ଷକ ଓ ଓଏସିସ୍ ସ୍କୁଲର କେନ୍ଦ୍ର ସମନ୍ବୟ ନିଯୁକ୍ତ କରାଯାଇଥିଲା। ନିଟ୍ ପେପର ଲିକ୍ ମାମଲାରେ ସିବିଆଇ ଜିଲାର ଆହୁରି ୫ ଜଣ ଲୋକଙ୍କୁ ପଚରା ଉଚରା କରିଛି।
ଅଧିକାରୀମାନେ ଶନିବାର କହିଛନ୍ତି, ସାମ୍ବାଦିକ ଜମାଲୁଦ୍ଧିନ୍ ଅନସାରୀଙ୍କୁ କଥିତ ଭାବରେ ପ୍ରିନ୍ସପାଲ ଓ ଭାଇସ୍ ପ୍ରିନ୍ସପାଲଙ୍କୁ ସାହାଯ୍ୟ କରିବା ଅଭିଯୋଗରେ ଗିରଫ କରାଯାଇଛି। ଜମାଲୁଦ୍ଦିନ ଝାରଖଣ୍ଡର ଏକ ହିନ୍ଦୀ ଖବରକାଜରେ କାର୍ଯ୍ୟରତ ବୋଲି ତଦନ୍ତରୁ ଜଣାପଡିଛି। ସେ ଫୋନ୍ ମାଧ୍ୟମରେ ଲଗାତର ପ୍ରିନ୍ସିପାଲ ଓ ଭାଇସ୍ ପ୍ରିନ୍ସପାଲଙ୍କଙ୍କ ସହ ଯୋଗାଯୋଗରେ ଥିଲେ। କଲ୍ ଲିଷ୍ଟ ଏବଂ ପଚରାଉଚରା ମାଧ୍ୟମରେ ପେପର୍ ଲିକରେ ପ୍ରିନ୍ସିପାଲ୍ ଏବଂ ଭାଇସ ପ୍ରିନ୍ସିପାଲଙ୍କୁ ଜମାଲୁଦ୍ଦିନ୍ ସହାୟତା କରିଥିବା ସିବିଆଇ ଜାଣିବାକୁ ପାଇଥିଲା।