ଆଠଗଡ଼,୧୯/୪ : କୁକ୍ଷାତ ଗୋରୁ ମାଫିଆ ଛୋଟା କାଳିଆ ଗିରଫ । ବଡ଼ମ୍ବା ସମେତ ବିଭିନ୍ନ ଥାନାରେ ଏକାଧିକ ମାମଲାରେ ଜଡ଼ିତ ରହିଛି । କଟକ ଜିଲ୍ଲା ବଡ଼ମ୍ବା ଅଞ୍ଚଳର କାଳିଆ ଓରଫ ତୟାବ ଖାଁ ଗିରଫ। ଅଭିଯୁକ୍ତ କାଳିଆ ଓରଫ ତୟାବର ଘର ତିଗିରିଆ ଥାନା ଅଧୀନ ପଙ୍କାଳ ଗ୍ରାମରେ। । କଟକ ଜିଲ୍ଲା ଗ୍ରାମାଞ୍ଚଳ ଏସପି ପ୍ରତୀକ ସିଂ ନିର୍ଦେଶ ଅନୁଯାୟୀ ବଡ଼ମ୍ବା ଥାନା ଅଧିକାରୀଙ୍କ ନେତୃତ୍ୱରେ ଏକ ସ୍ବତନ୍ତ୍ର ଟିମ୍ ବିଭିନ୍ନ ସ୍ଥାନରେ ଚଢ଼ଉ କରି ତୟାବ ଖାଁକୁ କାବୁ କରିବାରେ ସକ୍ଷମ ହୋଇଥିଲେ ।  

ବଡ଼ମ୍ବା ଥାନା ସମେତ ନରସିଂହପୁର, ବୈଦେଶ୍ଵର, ତିଗିରିଆ ଅଞ୍ଚଳରେ ନିଜର କାୟା ବିସ୍ତାର କରିଥିଲା ଏବଂ ଜଣେ କୁକ୍ଷାତ ଗୋରୁ ବେପାରୀ ଏବଂ ନିଜେ ମଧ୍ୟ ଗୋମାଂସ ପ୍ରସ୍ତୁତ କରି ବାହାର ରାଜ୍ୟକୁ ରପ୍ତାନି କରୁଥିଲା। ଏହି ବ୍ୟବସାୟରେ ଯୁବକମାନଙ୍କୁ ବିଭିନ୍ନ ପ୍ରଲୋଭନ ଦେଖାଇ ନିୟୋଜିତ କରୁଥିଲା। ଗୋରୁ ଚାଲାଣ ସମେତ ବଡ଼ମ୍ବା ଧୋବଣିନାଳ ନିକଟରେ ଏବଂ ଗୋପୀନାଥପୁର ଟି-ସେତୁ ଉପରେ ପୋଲିସକୁ ଆକ୍ରମଣ କରି ଅଭିଯୁକ୍ତଙ୍କୁ ଖସାଇବା ଆଦି ଅପରାଧରେ ସଂଶ୍ଳିଷ୍ଟ ଥିଲା ଛୋଟା କାଳିଆ। ଅଭିଯୁକ୍ତ କାଳିଆ ନାମରେ ବଡ଼ମ୍ବା ଥାନାରେ ତିନୋଟି ମାମଲା ଥିବା ଅନ୍ୟ ବିଭିନ୍ନ ଥାନାରେ ୧୨ରୁ ଊର୍ଦ୍ଧ୍ବ ମାମଲା ଏବଂ ଢେଙ୍କାନାଳ ଜିଲ୍ଲାରେ ଜାମିନ ବିହୀନ ଗିରଫ ପରାୱାନା ଜାରି ହୋଇଥିଲା। ଏ ନେଇ  ସୂଚନା ଦେଇଛନ୍ତି ଆଠଗଡ଼ ଉପଖଣ୍ଡ ଆରକ୍ଷୀ ଅଧିକ୍ଷକ ବିଶ୍ୱଜିତ୍ ମହାନ୍ତି।