ନୂଆଦିଲ୍ଲୀ,୧।୨: କେନ୍ଦ୍ର ବଜେଟ୍ ୨୦୨୫-୨୬ ରେ ଲୋକସଭା ନିର୍ବାଚନ, ନିର୍ବାଚନ କମିଶନ୍ ଓ ନୂଆ ଇଲୋଟ୍ରୋନିକ୍ସ ଭୋଟିଂ ମେସିନ୍ (ଇଭିଏମ୍) ପାଇଁ ଅଧିକ ଫଣ୍ଡ ଆବଣ୍ଟନ କରାଯାଇଛି। ୨୦୨୪ ଲୋକସଭା ନିର୍ବାଚନ କରିବା ଓ ନିର୍ବାଚନ କମିଶନଙ୍କୁ ଇଭିଏମ୍ କିଣିବା ପାଇଁ ଆଇନ ମନ୍ତ୍ରଣାଳୟକୁ ୧୪୦୦ କୋଟି ଟଙ୍କାରୁ ଅଧିକ ଆବଣ୍ଟିତ କରାଯାଇଛି। ନିର୍ବାଚନ କମିଶନ୍(ଇସି), ନିର୍ବାଚନ ଆଇନ, ନିର୍ବାଚନ ଓ ନିର୍ବାଚନ ପ୍ୟାନେଲରେ ସଦସ୍ୟଙ୍କ ନିଯୁକ୍ତି ପାଇଁ ଆଇନ ମନ୍ତ୍ରଣାଳୟ ନୋଡାଏ ଏଜେନ୍ସି ରହିଥାଏ।
ଅର୍ଥମନ୍ତ୍ରୀ ସୀତାରମଣ ଶନିବାର ଲୋକସଭା ବଜେଟ୍ ଆଗତ କରିବା ବେଳେ ଏହି ଘୋଷଣା କରିଛନ୍ତି। ଆଇନ ମନ୍ତ୍ରଣାଳୟକୁ ଲୋକସନା ନିର୍ବାଚନ ପାଇଁ ୫୦୦ କୋଟି ଟଙ୍କା ଆବଣ୍ଟିତ କରିଛନ୍ତି। ସେଭଳି ମତଦାତାଙ୍କ ପରିଚୟ ପତ୍ର ପାଇଁ ୩୦୦ କୋଟି ଏବଂ ଅନ୍ୟାନ୍ୟ ଖର୍ଚ୍ଚ ପାଇଁ ୫୯୭.୮୦ କୋଟି ଟଙ୍କା ଆବଣ୍ଟିତ କରିଛନ୍ତି।
ଇଭିଏମ୍ କିଣିବା ପାଇଁ ଅଲଗା ଭାବରେ ଫଣ୍ଡ ଆବଣ୍ଟିତ କରାଯାଇଛି। ଏହି ଟଙ୍କା ୧୮.୭୨ କୋଟି ଟଙ୍କାର ରହିଛି। ଗୋଟିଏ ଇଭିଏମ୍ରେ ଅତି କମ୍ରେ ଗୋଟିଏ ବାଲେଟ୍ ୟୁନିଟ୍, ଗୋଟିଏ କନଟ୍ରୋଲ ୟୁନିଟ୍ ଏବଂ ଏକ ପେପର ଟ୍ରେଲ୍ ମେସିନ୍ ରହିଥାଏ। ଆଇନ ମନ୍ତ୍ରଣାଳୟର ଅଧିକାରୀ କ୍ୟାରି ଫରଓ୍ବାର୍ଡ ଖର୍ଚ୍ଚକୁ ‘ବୁକ୍ କିପିଂ’ ଅଭ୍ୟାସ ବୋଲି କହିଛନ୍ତି, ଯେଉଁଥିରେ ନିର୍ବାଚନ କରିବାରେ ଖର୍ଚ୍ଚ ହେଉଥିବା ଟଙ୍କାକୁ ପୁରା କରିବା ପାଇଁ ଏଜେନ୍ସିକୁ ଧନ ଦିଆଯାଏ। ଉଲ୍ଲେଖନୀୟ ଯେ, ସଂସଦୀୟ ନିର୍ବାଚନ ମାମଲାରେ ଖର୍ଚ୍ଚ ହେବାକୁ ଥିବା ରାଶି କେନ୍ଦ୍ରସରକାର ବହନ କରିଥାନ୍ତି, ସେଭଳି ରାଜ୍ୟରେ ହେବାକୁ ଥିବା ନିର୍ବାଚନ କମିଶନଙ୍କ ମାମଲାରେ ପୁରା ରାଶି ସମ୍ପର୍କିତ ରାଜ୍ୟ ସରକାର ବହନ କରିଥାନ୍ତି।
