ଭୁବନେଶ୍ବର,୪।୬ : ବିଜେଡି ଗଡ ଭାବେ ପରିଚିତ ଭଞ୍ଜନଗର। ଜନତା ଦଳ ଓ ତା’ ପରେ ବିଜୁ ଜନତା ଦଳର ପ୍ରାର୍ଥୀ ଏଠାରେ ବିଜୟୀ ହୋଇ ଆସୁଥିଲେ । ୧୯୯୫ ରୁ ଏଠାରୁ ଜନତା ଦଳ ଓ ବିଜୁ ଜନତା ଦଳର ପ୍ରାର୍ଥୀ ହୋଇ ବିଜୟୀ ହୋଇ ଆସୁଥିଲେ ମନ୍ତ୍ରୀ ବିକ୍ରମ ଆରୁଖ। ୬ ଥର ଏହି ଆସନରୁ ସେ ବିଧାୟକ ହୋଇଛନ୍ତି। ତେବେ ଚଳିତ ନିର୍ବାଚନରେ ତାଙ୍କ ବିଜୟ ଧାରାରେ ରୋକ ଲଗାଇଛନ୍ତି ବିଜେପି ପ୍ରାର୍ଥୀ ପ୍ରଦ୍ୟୁମ୍ନ କୁମାର ନାୟକ। ୧୫ ହଜାରରୁ ଅଧିକ ଭୋଟ ବ୍ୟବଧାନରେ ସେ ବିକ୍ରମଙ୍କୁ ପରାଜିତ କରିଛନ୍ତି। ୬ ଥରର ବିଧାୟକଙ୍କୁ ଚଳିତ ନିର୍ବାଚନରେ ପରାଜୟର ସ୍ବାଦ ଚାଖିବାକୁ ପଡିଛି।
ଭଞ୍ଜନଗରରେ ପ୍ରଦ୍ୟୁମ୍ନ କୁମାର ନାୟକ ୮୦୫୧୯ ଖଣ୍ଡରୁ ଅଧିକ ଭୋଟ ପାଇଥିବା ବେଳେ ବିକ୍ରମ କେଶରୀ ଆରୁଖ ୬୫୧୮୬ ଖଣ୍ଡରୁ ଅଧିକ ଭୋଟ ପାଇଛନ୍ତି। ପ୍ରଦ୍ୟୁମ୍ନଙ୍କ ବିଜୟ ବ୍ୟବଧାନ ୧୫ ହଜାରରୁ ଅଧିକ ରହିଛି। ସେହିପରି କଂଗ୍ରେସ ପ୍ରାର୍ଥୀ ପ୍ରଶାନ୍ତ କୁମାର ବିଶୋଇ ୪୯୦୮ ଖଣ୍ଡ ଭୋଟ ପାଇଛନ୍ତି।
ଆହୁରି ପଢନ୍ତୁ : ଏକ୍ରାମ ଭୁବନେଶ୍ବରରେ ବିଜେଡି ଗଡ ଭାଙ୍ଗିଲା ବିଜେପି : ମନ୍ତ୍ରୀ ଅଶୋକ ପଣ୍ଡା ହାରିଲେ