ନୂଆଦିଲ୍ଲୀ: ସୁନା ଚୋରା କାରବାରରେ ଫସିଥିବା ଦକ୍ଷୀଣି ଅଭିନେତ୍ରୀ ରାନ୍ୟା ରାଓଙ୍କୁ ନେଇ ଆସିଛି ଏକ ଚାଞ୍ଚଲ୍ୟକର ତଥ୍ୟ। ଯାହା ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ। ରାନ୍ୟାଙ୍କୁ ବିମାନ ବନ୍ଦରରେ ବିନା ଚେକିଂରେ ଭିତରକୁ ଯିବାକୁ ସାହାଯ୍ୟ କରୁଥିବା ପ୍ରୋଟୋକଲ ଅଫିସରଙ୍କୁ ଏଥିରେ ସାମିଲ ଥିବା ଅନୁମାନ କରି ଗିରଫ କରାଯାଇଥିଲା। ତେବେ ଏ ସମ୍ପର୍କରେ ତାଙ୍କୁ ପଚରାଉଚରା କରାଯିବା ସମୟରେ ରାନ୍ୟାଙ୍କ ପିତା ତଥା କର୍ଣ୍ଣାଟକର ଡିଜିପି ରାମଚନ୍ଦ୍ର ରାଓ ତାଙ୍କୁ ଏପରି କରିବାକୁ ଆଦେଶ ଦେଇଥିଲେ ବୋଲି ସେ କହିଛନ୍ତି।
ପ୍ରୋଟୋକଲ ଅଫିସରଙ୍କ ନାମ ବାସଭରାଜ ହୋଇଥିବା ବେଳେ, ସେ କେମ୍ପେଗୌଡା ଏୟାର ପୋର୍ଟ ପୋଲିସ ଅଫିସରେ କନେଷ୍ଟବଲ ଭାବେ କାର୍ଯ୍ୟରତ ଅଛନ୍ତି। ତେବେ ରାନ୍ୟାଙ୍କୁ ଯିବା ଆସିବା ସମୟରେ ତାଙ୍କୁ ରାମଚନ୍ଦ୍ର ରାଓ ତାଙ୍କ ସୁବିଧା ଜନକ ଜା-ଆସ ପାଇଁ ସିଧାସଳଖ ଆଦେଶ ପ୍ରଦାନ କରିଥାନ୍ତି ବୋଲି ସେ କହିଛନ୍ତି। ଖାଲି ଏତିକି ନୁହେଁ, ତାଙ୍କ ଉପରିସ୍ଥ ଅଧିକାରୀମାନେ ମଧ୍ୟ ରାନ୍ୟାଙ୍କୁ ଯିବା ବେଳେ ଓ ଆସିବା ବେଳେ ସହଯୋଗ କରିବା ପାଇଁ ଆଦେଶ ଦେଇଥାନ୍ତି ବୋଲି ସେ ସୂଚନା ପ୍ରଦାନ କରିଛନ୍ତି।
ଘଟଣାଦିନ ସମ୍ପର୍କରେ ସୂଚନା ଦେଇ ବାସଭରାଜ କହିଛନ୍ତି ଯେ ରାନ୍ୟା ଯେଉଁଦିନ ଆରେଷ୍ଟ ହୋଇଥିଲେ ସେଦିନ ପାଖାପାଖି ୬ଟା ୨୦ମିନିଟ ସମୟରେ ମତେ ଫୋନ କରି ଏୟାରପୋର୍ଟକୁ ଡାକିଥିଲେ। ରାନ୍ୟା ଫୋନରେ କହିଥିଲେ ଯେ ମୁଁ ବହୁ ଜଲଦି ଦୁବାଇରୁ ଫେରି ଏୟାରପୋର୍ଟରେ ଓହ୍ଲାଇବାକୁ ଯାଉଛି। ତେଣୁ ତୁମେ ତୁରନ୍ତ ମତେ ପ୍ରୋଟୋକଲ ଆସିଷ୍ଟାନ୍ସ ଦେବାକୁ ଏୟାରପୋର୍ଟରେ ପହଞ୍ଚ। ଏହାପରେ ବାସଭରାଜ ରାନ୍ୟାଙ୍କୁ ବିମାନବନ୍ଦରରୁ ଆଣି ତାଙ୍କ ଗାଡି ନିକଟରେ ଛାଡିଥିଲେ। ତେବେ ସେ ଏୟାର ପୋର୍ଟ ଛାଡିବାର କିଛି ସମୟ ମଧ୍ୟରେ ତାଙ୍କୁ ରାଜସ୍ୱ ଗୁପ୍ତଚର ଅଧିକାରୀ(ଡିଆରଆଇ) ନିଜହେପାଜତକୁ ନେଇଥିଲେ ବୋଲି ବାସଭରାଜ ପୋଲିସକୁ ସୂଚନା ପ୍ରଦାନ କରିଛନ୍ତି।
ମାର୍ଚ୍ଚ ୪ ତାରିଖରେ, ରଣ୍ୟା ରାଓଙ୍କ ଗିରଫଦାରୀ ପରେ ତାଙ୍କୁ ଡିଆରଆଇ ଅଧିକାରୀମାନେ ବାସଭରାଜଙ୍କୁ ପଚରାଉଚରା କରିବା ପାଇଁ ସମନ ଜାରି କରିଥିଲେ। କୋର୍ଟରେ ଦାଖଲ ହୋଇଥିବା ରିମାଣ୍ଡ ଆବେଦନରେ ତାଙ୍କ ବୟାନ ସାମିଲ କରାଯାଇଥିଲା। ପଚରାଉଚରା ସମୟରେ, ବାସଭରାଜ ସୁନା ଚୋରା ଚାଲାଣରେ କୌଣସି ସମ୍ପୃକ୍ତି କିମ୍ବା ଏ ସମ୍ୱଦ୍ଧରେ କିଛି ଜାଣିଥିବା ନେଇ ଅସ୍ୱୀକାର କରିଥିଲେ। ସେ ଜୋର ଦେଇ କହିଥିଲେ ଯେ ରଣ୍ୟା ରାଓଙ୍କ ସହିତ ତାଙ୍କର ଯୋଗାଯୋଗ ତାଙ୍କ ଉପରିସ୍ଥ ଅଧିକାରୀମାନଙ୍କ ଦ୍ୱାରା ନିର୍ଦ୍ଧାରିତ ପ୍ରୋଟୋକଲ୍ ଦାୟିତ୍ୱ ପର୍ଯ୍ୟନ୍ତ ହିଁ ସୀମିତ ଥିଲା।
ପଚରା ଉଚରା ସମୟରେ ସେ ବିଗତ କିଛି ବର୍ଷ ହେବ ବାସଭରାଜ ରାନ୍ୟାଙ୍କୁ ଜାଣିଥିବା ନେଇ ପ୍ରକାଶ କରିଛନ୍ତି। ସେ ତାଙ୍କୁ ଏୟାରପୋର୍ଟରୁ ନବା ଆଣିବା କରିବା ଛଡା ଆଉ କିଛି ଜାଣି ନାହାନ୍ତି ବୋଲି ସ୍ୱୂୀକାର କରିଛନ୍ତି। ତେବ ସେ ଆଜିଯାଏ ରାନ୍ୟାଙ୍କ ପ୍ରୋଟୋକଲ ଅଫିସର ଭାବେ କାର୍ଯ୍ୟ କରିଥିବା କଥା କହିଚନ୍ତି। ତେବେ ସେ କେବେ ତାଙ୍କୁ ସୁରକ୍ଷା ପ୍ରଦାନ କରିଥିଲେ ତାଙ୍କର ମନେପଡୁନାହିଁ ବୋଲି ବାସଭରାଜ ଡିଆରଆଇ ଅଧିକାରୀଙ୍କୁ କହିଛନ୍ତି।
