ବାରଙ୍ଗ,୦୯/୦୯: ମେଟ୍ରୋ ରେଳ ପ୍ରକଳ୍ପ ପାଇଁ ବାରଙ୍ଗରେ ମାଟି ପରୀକ୍ଷା ଆରମ୍ଭ ହୋଇଛି । ବରଙ୍ଗ ବ୍ଲକ ଛକ ଠାରୁ ବଛିପୁର ପର୍ଯ୍ୟନ୍ତ ଶହେ ମିଟର ଅନ୍ତରରେ ପ୍ରାୟ ୮ରୁ ୧୦ଟି ମେସିନ ସାହାଯ୍ୟରେ ଖୋଳାଯାଇ ମାଟି ପରୀକ୍ଷା ଆରମ୍ଭ ହୋଇଛି । ଦୁଇରୁ ତିନି ମାସ ମଧ୍ୟରେ ମାଟି ପରୀକ୍ଷା ଶେଷ ହେବା ପରେ ପିଲର କାର୍ଯ୍ୟ ଆରମ୍ଭ ହେବ । ଦୁଇ ରାସ୍ତାର ମଧ୍ୟ ଭାଗରେ ପିଲର କାର୍ଯ୍ୟ ଆରମ୍ଭ ହେବ ବୋଲି କାର୍ଯ୍ୟରତ ଜଣେ କର୍ମଚାରୀଙ୍କ ଠାରୁ ଜଣାପଡ଼ିଛି ।
ସୂଚନା ଯୋଗ୍ୟ, ଭୁବନେଶ୍ୱରରୁ କଟକ ଭାୟା ବାରଙ୍ଗ ରାସ୍ତାରେ ମେଟ୍ରୋ ଟ୍ରେନ ଚଳାଚଳ କରିବ । ଭିଡ଼କୁ ନିୟନ୍ତ୍ରଣ, ରାସ୍ତା ଦ୍ୱରତ୍ୱ କମ୍ ଓ କମ ସମୟ ମଧ୍ୟରେ ଗମନା ଗମନ ସହଜ ହୋଇପାରିବ । ବିଶେଷ କରି ଅନ୍ୟ ଜିଲ୍ଲାରୁ ଲୋକ ମାନଙ୍କର ଭୁବନେଶ୍ୱର ବିମାନ ବନ୍ଦର ଠାରୁ କଟକ ହାଇକୋର୍ଟକୁ ଯାତାୟାତ ସହଜ ହୋଇପାରିବ । ବିମାନବନ୍ଦର ଠାରୁ ତ୍ରିଶୂଳିଆ ଛକ ପର୍ଯ୍ୟନ୍ତ ୨୬ କିଲୋମିଟର ରାସ୍ତାରେ ୨୦ଟି ଷ୍ଟେସନ ନିର୍ମାଣ କରାଯିବ । କିଟ୍ ଛକ ଠାରୁ ତ୍ରିଶୂଳିଆ ମୋ-ବସ୍ ଷ୍ଟାଣ୍ଡ ପର୍ଯ୍ୟନ୍ତ ଦିଲ୍ଲୀର ଏକ କମ୍ପାନୀ ରାସ୍ତା ନିର୍ମାଣ ଦାୟିତ୍ୱ ନେଇଛନ୍ତି । ଗତ ଅଗଷ୍ଟ ୨୪ରେ କମ୍ପାନୀ ପାଖରୁ ବାରଙ୍ଗ ଆନନ୍ଦବଜାର ଗୋଲେଇ ଛକରେ ଭୂମିପୂଜନ କରାଯାଇଥିଲା ।