ଭୁବନେଶ୍ବର ୨୮/୦୯: ଭରତପୁର ଥାନାରେ ମେଜର ଏବଂ ବାନ୍ଧବୀ ବିବାଦ ମାମଲା। ରବିବାର ଗୁଜୁରାଟ ଯିବ କ୍ରାଇମବ୍ରାଞ୍ଚ୍ ଟିମ୍ । ଭରତପୁର ଥାନାର ନିଲମ୍ବିତ ପୂର୍ବତନ ଥାନା ଅଧିକାରୀ ଦୀନକୃଷ୍ଣ ମିଶ୍ର ନେଇ ଗୁଜରାଟ ଅଭିମୁଖେ ବାହାରିବ କ୍ରାଇମବ୍ରାଞ୍ଚ୍ ଟିମ୍। ସୋମବାର ଗାନ୍ଧୀନଗର ହେବ ନାର୍କୋ ଆନାଲିସିସ୍‌ ,ବ୍ରେନ୍‌ ଫିଙ୍ଗର ପ୍ରିଣ୍ଟିଂ ଓ ପଲିଗ୍ରାଫ ଟେଷ୍ଟ ହେବ। ପୂର୍ବରୁ ନିଲମ୍ବିତ ଭରତପୁର ପୂର୍ବତନ  ଆଇଆଇସି ଦୀନକୃଷ୍ଣ ମିଶ୍ର ମଧ୍ୟ ଏହି ପଲିଗ୍ରାଫ୍‌  ପରୀକ୍ଷା ପାଇଁ ରାଜି ହୋଇଥିଲେ । ଅଦାଲତ ଗତ ୨୫ ତାରିଖରେ ପଲିଗ୍ରାଫ୍‌ ସହ ବ୍ରେନ୍‌ ଫିଙ୍ଗର  ପ୍ରିଣ୍ଟିଂ ଓ ନାର୍କୋ ଆନାଲିସିସ୍‌ ପରୀକ୍ଷା ପାଇଁ  କ୍ରାଇମ୍‌ବ୍ରାଞ୍ଚକୁ ଅନୁମତି ଦେଇଥିଲେ । 

ଏହି ଘଟଣାରେ  ନିଲମ୍ବିତ ୩ ମହିଳା ପୁଲିସ ଅଧିକାରୀଙ୍କ ସମେତ ୪ଜଣ ପୁଲିସ ମିଛଧରା (ପଲିଗ୍ରାଫ) ପରୀକ୍ଷାର  ସାମ୍ନା କରିବେ । ଏନେଇ ସ୍ଥାନୀୟ ଏସ୍‌ଡିଜେଏମ୍‌  ସୌମରଞ୍ଜନ ନାୟକ ଶୁକ୍ରବାର ଅନୁମତି ଦେଇଛନ୍ତି ।  ନିଲମ୍ବିତ ହୋଇଥିବା ପୁଲିସ ସବ୍‌ଇନ୍ସପେକ୍ଟର ବୈଶାଳିନୀ ପଣ୍ଡା, ଏଏସ୍‌ଆଇ ସଲିଳାମୟୀ ସାହୁ, ଏଏସ୍‌ଆଇ ସାଗରିକା ରଥ ଓ ଏସ୍‌ଆଇ ପ୍ରଶାନ୍ତ । ଏସ୍‌ଆଇ ଶ୍ରୀ ମହାରଣା ଘଟଣାଦିନ ରାତିରେ  ଭରତପୁର ଥାନାରେ ଉପସ୍ଥିତ ଥିଲେ । ସେ  ପ୍ରତ୍ୟକ୍ଷର୍ଦଶୀ ହିସାବରେ ପଲିଗ୍ରାଫ୍‌ ପରୀକ୍ଷାର ସାମ୍ନା କରିବେ ।