କଟକ ୦୮/୧୦: ବହୁର୍ଚ୍ଚିତ ଭରତପୁର ଥାନା ବିବାଦ ମାମଲା। ହାଇକୋର୍ଟ ଶୁଣାଣି ବେଳେ ହାଜର ହେଲେ ଏଡିଜି ଦୟାଲ ଗଙ୍ଗ୍ୱାର। ବ୍ୟକ୍ତିଗତ ଭାବେ ହାଜର ହୋଇ ଉତ୍ତର ରଖିଲେ ADG। ଥାନା ଗୁଡିକରେ ସିସିଟିଭି ଲଗାଯିବ ନେଇ ଦାଖଲ କଲେ ରିପୋର୍ଟ। କହିଲେ ୧୩ଟି ଥାନାରେ ସିସିଟିଭି ନାହିଁ। ୧୫ ଦିନ ଭିତରେ ସେସବୁ କାର୍ଯ୍ୟକ୍ଷମ ହେବ। ଏଥିସହିତ ୧୫ ଦିନ ଭିତର ସମସ୍ତ ଭିଡିଓ ମ୍ୟାନେଜମେଣ୍ଟ ସିଷ୍ଟମ କାର୍ଯ୍ୟକରିବ। ସବୁ ଥାନାର ସିସିଟିଭି କନେକସନ୍ ଏସ୍ପି ଅଫିସରେ ରହିବ।ଏହାଦ୍ବାରା ଏସ୍ପି ନିଜେ ସବୁ ଥାନାର ସ୍ଥିତି ଦେଖିପାରିବେ।
ସେହିପରି ରାଜ୍ୟ ସରକାରଙ୍କ ପକ୍ଷରୁ ଦାଖଲ ସତ୍ୟପାଠ ଅନୁଯାଇ ଥାନାରେ ପୋଲିସ ବ୍ୟବହାର ସମ୍ପର୍କରେ ଏସ୍ଓପି ଜାରି ହେବ। ସେନା ଅଧିକାରୀମାନଙ୍କୁ କିପରି ବ୍ୟବହାର କରାଯିବ ସେଥିପାଇଁ ଆସିବ ଗାଇଡ୍ଲାଇନ। ଏହି ମାମଲାର ପରବର୍ତ୍ତୀ ଶୁଣାଣି ୪ ସପ୍ତାହ ପରେ ହେବ।