ମାଲକାନଗିରି/ମାଥିଲି, ୨/୧୧(ଆପ୍ର ) ;  କଲେଜର ସୁବିଧା ଅସୁବିଧା କଥା ବୁଝିବା ପାଇଁ ପରିଦର୍ଶନ ରେ ଯାଇଥିଲେ ବିଡିଓ  । ହେଲେ ସେଠାରେ ପହଁଞ୍ଚି ଅଧ୍ୟାପକଙ୍କ ପରି   ଛାତ୍ର ଛାତ୍ରୀଙ୍କୁ ପଢ଼ାଇଥିଲେ ପାଠ। ମାଲକାନଗିରି ଜିଲ୍ଲା ମାଥିଲି ବ୍ଲକ ଅଞ୍ଚଳରେ ଏପରି ଦୃଶ୍ୟ ଦେଖିବାକୁ ମିଳିଛି ।

ମାଥିଲି ବ୍ଲକସ୍ଥ ଵହଳଦିଆଗୁଡା ଠାରେ ଥିବା ଅନୁସୂଚିତ ଜାତି ଓ ଜନଜାତି ବିଭାଗର କଲେଜ କୁ ମାଥିଲି ବିଡିଓ ଡ଼ ହିମାଞ୍ଚଳ ମାଝୀ ଗସ୍ତରେ ଯାଇଥିଲେ। କଲେଜରେ ପହଞ୍ଚି ପରିବେଶ ଓ ଛାତ୍ରଛାତ୍ରୀଙ୍କ ଉତ୍ତମ ବ୍ୟବହାରରେ ବହୁତ ଖୁସି ହୋଇଯାଇଥିଲେ।  ନିଜେ କ୍ଲାସ ରୁମକୁ ଯାଇ ଜଣେ ପୋଖତ ଅଧ୍ୟାପକଙ୍କ ପରି ବିଜ୍ଞାନ ଯୁକ୍ତ ଦୁଇ  ଶ୍ରେଣୀରେ ଛାତ୍ର ଛାତ୍ରୀମାନଙ୍କୁ ପାଠ ପଢାଇଥିଲେ ।  ଛାତ୍ରଛାତ୍ରୀମାନେ ମଧ୍ୟ ବିଡିଓଙ୍କ ଶିକ୍ଷାଦାନ ପ୍ରତି ଆକୃଷ୍ଟ ହୋଇ ଅଧିକ ସମୟ କ୍ଲାସ ନେବା ପାଇଁ ଅନୁରୋଧ କରିଥିଲେ। ଠିକ ଭାବେ ଶିକ୍ଷାଦାନ ଦେଵା ସହିତ ସମସ୍ତଙ୍କୁ ଉତ୍ତମ ବ୍ୟବହାର ଦେଖାଇବା, ଗୁରୁଜନଙ୍କୁ ଭକ୍ତି ଓ କନିଷ୍ଠ ମାନଙ୍କୁ ସ୍ନେହ ଆଦର କରିବା,ଭଲ ଭାବରେ ପାଠ ପଢି ଜିଲ୍ଲାର ଟେକ ରଖିବା ପାଇଁ ଛାତ୍ର ଛାତ୍ରୀମାନଙ୍କୁ ପରାମର୍ଶ ଦେଇଥିଲେ। ଜଣେ ପ୍ରଶାସନିକ ଅଧିକାରୀ ବିଡିଓ ଙ୍କ ପାଠ ପଢାଇବା ଦେଖି କଲେଜର ଅନ୍ୟ ଅଧ୍ୟାପକ ଓ ଗ୍ରାମବାସୀ ମାନେ ତାଜୁବ ହେବା  ସହ ବିଡିଓଙ୍କ ପ୍ରଶଂସା କରିଥିଲେ ।