ମାଲକାନଗିରି, ୨୭/୧୨ (ଆପ୍ର ) ମାଲକାନଗିରି ଜିଲ୍ଲା ଖଇରପୁଟ ବ୍ଲକ ଗୋବିନ୍ଦପାଲ୍ଲୀ ସ୍ଥିତ ସରକାରୀ ଏସ ଏସ ଡି ଉଚ୍ଚ ମାଧ୍ୟମିକ ବିଦ୍ୟାଳୟକୁ ରାଜ୍ୟର ସର୍ବଶ୍ରେଷ୍ଠ ମାନ୍ୟତା ପ୍ରଦାନ କରାଯାଇଛି। ଭୁବନେଶ୍ବରରେ ରାଜ୍ୟ ସ୍ତରୀୟ ସର୍ଗିଫୁଲ କାର୍ଯ୍ୟକ୍ରମ ର ସ୍ବତନ୍ତ୍ର କାର୍ଯ୍ୟକ୍ରମରେ ୨୦୨୪ ବର୍ଷର ଏହି ମାନ୍ୟତା ମିଳିଛି। ଭୁବନେଶ୍ବର ସ୍ଥିତ ରାଜ୍ୟ ସ୍ତରୀୟ ସର୍ଗିଫୁଲ ୨୦୨୪ କାର୍ଯ୍ୟକ୍ରମ ବିଦ୍ୟାଳୟ ଅଧ୍ୟକ୍ଷ ଅଶୋକ କୁମାର ସ୍ବର୍ଣ୍ଣକାର ଏହି ମାନପତ୍ର ସହ ପୁରସ୍କାର ଗ୍ରହଣ କରିଥିଲେ।
ବିଜ୍ଞାନ ତଥା ବାଣିଜ୍ୟ ଦୁଇଟି ବିଭାଗରେ ଛାତ୍ରଛାତ୍ରୀ ମାନେ ଶତ ପ୍ରତିଶତ ପାସ ହାର ରହିଥିବା ବେଳେ ରାଜ୍ୟରେ ବାଣିଜ୍ୟରେ ଉମେଶ ରନ୍ଧାରୀ ରାଜ୍ୟ ଟପରକୁ ମଧ୍ୟ ଉକ୍ତ ମଞ୍ଚରେ ମାନପତ୍ର ସହ ସମ୍ମାନିତ କରାଯାଇଛି। ବିଦ୍ୟାଳୟ ଅଧ୍ୟକ୍ଷ ଶ୍ରୀସ୍ବର୍ଣ୍ଣକାର ଏହି ପୁରସ୍କାର ପାଇବା ପରେ ବିଦ୍ୟାଳୟର ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ ଓ ସମସ୍ତ ଛାତ୍ରଛାତ୍ରୀ ମାନଙ୍କ ପରିଶ୍ରମ ପାଇଁ ଆଜି ବିଦ୍ୟାଳୟ ରାଜ୍ୟ ସ୍ତରୀୟ ପୁରସ୍କୃତ ହୋଇ ପାରିଥିବାରୁ ଉକ୍ତ ଶିକ୍ଷାନୁଷ୍ଠାନ କୁ ପ୍ରଶଂସାର ସୁଅ ଛୁଟୁଛି
