ମାଲକାନଗିରି /ମାଥିଲି,୨୬/୧୨ : ସବୁଜଜହର ବଳୟରେ ମାଲକାନଗିରି ଜିଲ୍ଲା ରହିଥିବାବେଳେ ପୁଲିସ ଓ ଅବକାରୀ ବିଭାଗ ସବୁଜ ଜହର ମୁକ୍ତ କରିବା ପାଇଁ ଜଙ୍ଗଲରେ ଗଞ୍ଜେଇ ଗଛ କାଟିବା ଆରମ୍ଭ କରିଥିବାବେଳେ ସହର ବଜାର ମଝିରେ ଥିବା ଗଞ୍ଜେଇ ଗଛ ପ୍ରତି କାହାର ନଜର ପଡୁନାହିଁ ।
ସବୁଜ ଜହର ବା ଗଞ୍ଜେଇ ଗଛ ଏବେ ବଜାରର ମଝିରେ ଦେଖିବାକୁ ମିଳିଛି । ଏପରି ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା ମାଥିଲି ଥାନା ସଦର ମହକୁମାର ୩୨୬ଜାତୀୟ ରାଜପଥ ନିକଟରେ ଥିବା ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟ ନିକଟରେ। ସଦର ମହକୁମାଠାରେ ଥିବା ଅବକାରୀ ବିଭାଗ ଓ ପୋଲିସ କର୍ମଚାରୀମାନେ ଏହା ଜାଣିଛନ୍ତି କି ନାହିଁ ତାହାକୁ ନେଇ ଏବେ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି ।
ଏହି ଗଞ୍ଜେଇ ଗଛ ଦେଖି ମାଥିଲି ଅଞ୍ଚଳବାସୀ ଚକିତ ହୋଇପଡ଼ିଛନ୍ତି । ସର୍ବ ସାଧରଣ ସ୍ଥାନରେ ବୃହତ ଗଞ୍ଜେଇ ଗଛ ଟିଏ ରହି ସେଥିରେ ଗଞ୍ଜେଇ କଲି ଫଳିବା ଆରମ୍ଭ କଲାଣି, ସେହି ରାସ୍ତା ଦେଇ ପ୍ରତିଦିନ ପୋଲିସ ଓ ଅବକାରୀ ଅଧିକାରୀ କର୍ମଚାରୀ ଯାତାୟତ କରୁଥିଲେ ମଧ୍ୟ ଏଥିପ୍ରତି କାହାରି ଦୃଷ୍ଟି ନ ପଡିବା ଘଟଣା ସମସ୍ତଙ୍କୁ ଚକିତ କରିଛି ।
