ଭୁବନେଶ୍ୱର, ୨୧/୦୩: ଭାରସାମ୍ୟ ହରାଇ ଓଲଟିଲା ବରଯାତ୍ରୀ ଗାଡି । ଦୁର୍ଘଟଣାରେ ଡ୍ରାଇଭରର ଜୀବନ ଚାଲି ଯାଇଥିବା ବେଳେ ୬ ଜଣ ଗୁରୁତର ହୋଇଛନ୍ତି । ମୃତ ଡ୍ରାଇଭର ଜୁନାଗଡ଼ ଥାନା ବରଗାଁର ଭଜନ କର ହୋଇଥିବା ବେଳେ ଗୁରୁତର ମାନେ ସେହି ଗାଁର ସୁବାସ ଖମାରୀ, ବବଲୁ ହରିଜନ, ସୁମନ୍ତ କର, ଧର୍ମରାଜ କର, ଅରୂପ ଖମାରୀ ଏବଂ ତୋଫାନ ସୁନାନୀ ବୋଲି ଜଣା ପଡିଛି । ୨୬ ନମ୍ୱର ଜାତୀୟ ରାଜପଥ କୋକସରା ଥାନା ଚିଲିଗୁଡା ଗାଁ ନିକଟସ୍ଥ ରାସ୍ତାରେ ଏଭଳି ଘଟଣା ଘଟିଛି ।
ସରକାରୀ ଚାକିରି ନାଁରେ ଠକେଇ କରୁଥିଲେ ଶିକ୍ଷକ, ୩ ଜଣଙ୍କୁ ବାନ୍ଧିଲା ପୋଲିସ
ସୂଚନା ମୁତାବକ, ଏକ ବରଯାତ୍ରୀ ଗାଡି ଛତିଶଗଡ କେରେଣ୍ଡୁଳକୁ ଯାଇ ନିଜ ଗାଁକୁ ଫେରୁଥିଲା । ଶୁକ୍ରବାର ଭୋର ସମୟରେ ଫେରିବା ବେଳେ ଭାରସାମ୍ୟ ହରାଇ ଗାଡ଼ିଟି ଦୁର୍ଘଟଣାଗ୍ରସ୍ତ ହୋଇଥିଲା । ଜାତୀୟ ରାଜପଥ ୨୬ କୋକସରା ଥାନା ଚିଲିଗୁଡା ଗାଁ ନିକଟରେ ଗାଡ଼ିଟି ରାସ୍ତା କଡରେ ଓଲଟି ପଡିଥିଲା । ଫଳରେ ଗାଡ଼ିର ଡ୍ରାଇଭରଙ୍କ ମୃତ୍ୟୁ ହୋଇଥିଲା ଏବଂ ଗାଡ଼ିରେ ଥିବା ଅନ୍ୟ ୬ ଜଣ ଗୁରୁତର ହୋଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀ ଏବଂ ପୋଲିସ ପହଞ୍ଚିଥିଲା । ସ୍ଥାନୀୟ ଲୋକଙ୍କ ସହାୟତାରେ ଅଗ୍ନିଶମ ବାହିନୀର ଏକ ଟିମ୍ ଗୁରୁତର ମାନଙ୍କୁ ଉଦ୍ଧାର କରି କୋକସରା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ପ୍ରାଥମିକ ଚିକିତ୍ସା ପରେ ସମସ୍ତଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ସେପଟେ କୋକସରା ପୋଲିସ ଘଟଣାସ୍ଥଳରେ ଉପସ୍ଥିତ ରହି ତଦନ୍ତ ଚଳାଇଛି ।
