କଳାହାଣ୍ଡି,୯।୨: ଜଳପ୍ରପାତ ଉପରୁ ମୋବାଇଲରେ ଫଟୋ ଉଠାଇବା ହେଲା କାଳ। ଗୋଡ ଖସିଯିବାରୁ ଜଳପ୍ରପାତର ଗଭୀର ପାଣି ରେ ବୁଡି ଯୁବକ ନିଖୋଜ। ଯୁବକ ଜଣକ ହେଲେ ନବରଙ୍ଗପୁର ଜିଲ୍ଲା କୋଡ଼ିଙ୍ଗା ଥାନା ଅନ୍ତର୍ଗତ ଡୁମରମୁଣ୍ଡା ଗ୍ରାମର ଅଭିନାଶ ପରଜା।
କଳାହାଣ୍ଡି ଜିଲ୍ଲାର ପ୍ରମୁଖ ପର୍ଯ୍ୟଟନ ସ୍ଥଳୀ ଗୁଡ଼ହାଣ୍ଡି ଡୋକାରିଚଞ୍ଚରାକୁ କୋରାପୁଟ ଜିଲ୍ଲା କୋଡ଼ିଙ୍ଗା ଥାନା ଅନ୍ତର୍ଗତ ଡୁମରମୁଣ୍ଡା ଗ୍ରାମ ର ଅଭିନାଶ ପରଜା ଓ ତାଙ୍କ ସାଙ୍ଗ ଦିଲେଶ୍ୱର ଭତ୍ରିଆ ବୁଲିବାକୁ ଆସିଥିଲେ। ଜଳପ୍ରପାତ ଉପରୁ ମୋବାଇଲରେ ଫୋଟୋ ଉଠାଉ ଥିଲେ। ଅସାବଧାନତା କାରଣରୁ ଶିଉଳିରେ ଗୋଡ଼ ଖସି ଯିବାରୁ ଡୋକରୀ ଜଳପ୍ରପାତର ଗଭୀର ପାଣିରେ ବୁଡି ନିଖୋଜ ହୋଇଥିଲେ। ତାଙ୍କୁ ଦୀର୍ଘ ସମୟ ଧରି ତାଙ୍କ ସାଙ୍ଗ ଓ ଅନ୍ୟମାନେ ଖୋଜାଖୋଜି କରିବା ପରେ ମଧ୍ୟ ଯୁବକଙ୍କ ପତ୍ତା ମିଳି ନ ଥିଲା l ଖବର ପାଇ ଦମକଳ କର୍ମଚାରୀ ଓ ସ୍ଥାନୀୟ ପୁଲିସ ପହଞ୍ଚି ଜଳପ୍ରପାତରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।
