ଭୁବନେଶ୍ୱର,୦୨/୦୨: ରକ୍ତମୁଖା ଗଜରାଜର ତାଣ୍ଡବଲୀଳା । ବିଳମ୍ୱିତ ରାତିରେ ଦୁଇ ବୃଦ୍ଧଙ୍କୁ ଦଳିଦେଲା ଦନ୍ତା । ମୃତକ ମୁଗାନ ମାଝୀ (୬୩) ଏବଂ ଗାଦ ମାଝୀ (୬୦) ବୋଲି ଜଣାପଡ଼ିଛି । କଳାହାଣ୍ଡି ଜିଲ୍ଲା ବିଶ୍ୱନାଥପୁର ଦକ୍ଷିଣ ବନଖଣ୍ଡ ଅନ୍ତରଗତ ଲାଞ୍ଜିଗଡ ସେକ୍ସନର କାଦୋମାଳି ଗ୍ରାମରେ ଏଭଳି ଅଭାବନୀୟ ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଶନିବାର ବିଳମ୍ବ ରାତିରେ ମୁଗାନ ମାଝୀ ଏବଂ ଗାଦ ମାଝୀ ହାତୀ ଆକ୍ରମଣର ଶିକାର ହୋଇଥିଲେ । ହାତୀଟି ଉଭୟଙ୍କୁ ଦଳି କଚାଡ଼ି ଦେଇଥିଲା । ଫଳରେ ଉଭୟ ବୃଦ୍ଧ ଘଟଣା ସ୍ଥଳରେ ହିଁ ପ୍ରାଣ ହରାଇଥିଲେ । ଏହାର ପର ଦିନ ଅର୍ଥାତ ରବିବାର ଉଭୟଙ୍କ ମୃତଦେହ ଦେଖିବାକୁ ପାଇଥିଲେ ଗାଁଲୋକେ । ଏହା ଦେଖି ତୁରନ୍ତ ବନ ବିଭାଗର ଅଧିକାରୀଙ୍କୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପହଞ୍ଚି ଉଭୟଙ୍କ ମୃତଦେହ ଜବତ କରିଛି ବନ ବିଭାଗର ଏକ ଟିମ୍ ।
