ନୂଆଦିଲ୍ଲୀ: ବାଲୁଚିସ୍ତାନରେ ପୁଣି ଥରେ ପାକିସ୍ତାନ ସେନାକୁ ଟାର୍ଗେଟ କରାଯାଇଛି। ଏହି ଆକ୍ରମଣରେ ୬ ଜଣ ସେନା କର୍ମଚାରୀଙ୍କ ମୃତ୍ୟୁ ଘଟିଛି ଏବଂ ୫ ଜଣ ଆହତ ହୋଇଛନ୍ତି। ସୂଚନା ଅନୁଯାୟୀ, ଏହି ଆକ୍ରମଣ ବାଲୁଚିସ୍ତାନର ବୋଲାନ ଅଞ୍ଚଳରେ ହୋଇଛି । ଏଠାରେ ଫ୍ରଣ୍ଟିୟର୍ କୋର କାରକେଡକୁ ଟାର୍ଗେଟ କରି ଏକ ଆଇଇଡି ବିସ୍ଫୋରଣ କରାଯାଇଥିଲା। ବିସ୍ଫୋରଣ ପରେ ପାକିସ୍ତାନୀ ସୁରକ୍ଷା ବାହିନୀ ଅଞ୍ଚଳକୁ ଘେରାବନ୍ଦୀ କରି ରଖିଛନ୍ତି।
ଆକ୍ରମଣ ପାଇଁ ଦାୟୀ ଲୋକଙ୍କୁ ଖୋଜିବା ପାଇଁ ଏକ ସର୍ଚ୍ଚ ଅପରେସନ୍ ଆରମ୍ଭ କରାଯାଇଛି । ଆକ୍ରମଣରେ ଆହତ ସୈନିକ ମାନଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ନିଆଯାଇଛି। ଏପର୍ଯ୍ୟନ୍ତ କୌଣସି ସଂଗଠନ ଏହି ଆକ୍ରମଣ ପାଇଁ ନିଜକୁ ଦାୟୀ କରିନାହାଁନ୍ତି। ସୂଚନାଥାଉକି ଯେ, ପାକିସ୍ତାନର ମୋଟ ଭୂମିର ୪୩ ପ୍ରତିଶତ ବେଲୁଚିସ୍ତାନରେ ଅଛି।
ଏଠାରେ ଉଲ୍ଲେଖନୀୟ କି, ଗତ ମାର୍ଚ୍ଚ ମାସରେ, ବେଲୁଚିସ୍ତାନ ଲିବରେସନ ଆର୍ମି ଗୁଡାଲାର ଏବଂ ପିରୁ କୁନରିର ପାର୍ବତ୍ୟ ଅଞ୍ଚଳ ନିକଟରେ ଜାଫର ଏକ୍ସପ୍ରେସକୁ ଅପହରଣ କରିନେଇଥିଲା । ଏଥିରେ ପ୍ରାୟ ୫ଶହ ଯାତ୍ରୀ ଥିଲେ।
