ଗୁଡଭେଲା/ତୁଷରା : ଗୁଡଭେଲା ବ୍ଳକରେ ଏବେ ରାଜନୀତି ପାଣିପାଗ ବେଶ ସରଗରମ। ବିଜେପି ବଲାଂଗୀର ସାଂସଦ ସଙ୍ଗୀତା କୁମାରୀ ସିଂ ଦେଓ ଙ୍କ ଗୁଡଭେଲା ପ୍ରତିନିଧିଙ୍କ ଅଭିଯୋଗ ପରେ ଥାନାରେ ବୁଧବାର ଅଶୋକ ଦୋରା ଙ୍କ ସମର୍ଥନ ରେ ଶତାଧିକ ଲୋକ ସାଂସଦଙ୍କ ପ୍ରତିନିଧି ମିଥ୍ୟା ମାମଲା ଦେଇଥିବା ଅଭିଯୋଗ କରିଛନ୍ତି ।ସୂଚନା ଅନୁସାରେ ଗତ ୩୦ -୫-୨୫ ରେ ବଲାଂଗୀର ସାଂସଦ ଙ୍କ ଗୁଡଭେଲା ପ୍ରତିନିଧି ଦିନବନ୍ଧୁ ବେହେରା ଗୁଡଭେଲା ବ୍ଲକ ଅଧ୍ୟକ୍ଷାଙ୍କ ସ୍ବାମୀ ତଥା ଜାମୁଟ ସମିତି ସଭ୍ୟ ଅଶୋକ ଦୋରାଙ୍କ ନାଁରେ ଜୀବନ ରୁ ମାରିଦେବାକୁ ଧମକ ଦେଉଥିବା ସହ କାର୍ଯ୍ୟକ୍ରମ ରେ ଗାଲି ଗୁଲଜ କରିଥିବା ଅଭିଯୋଗ କରିଥିଲେ। କିନ୍ତୁ ବୁଧବାର ଶ୍ରୀ ଅଶୋକ ଦୋରା ଙ୍କ ସପକ୍ଷରେ ଶତାଧିକ ଲୋକେ ତୁଷୁରା ଥାନା ରେ ଦୀନ ବନ୍ଧୁ ଙ୍କ ନାଁ ରେ ଅଭିଯୋଗ କରିଛନ୍ତି।
ଅଭିଯୋଗ ରେ ଦର୍ଶାଯାଇଛି ଜେ ଗତ ମାର୍ଚ୍ଚ ୩୦ ତାରିଖ ରେ ମୁଖ୍ୟ ମନ୍ତ୍ରୀ ଦ୍ବାରା ଆୟୋଜିତ ଅନ୍ତୋଦୟ ଗୃହ ଯୋଜନା କାଯ୍ୟକ୍ରମ ବ୍ଲକ କାର୍ଯ୍ୟାଳୟ ପରିସରରେ ଅନୁଷ୍ଠିତ ହୋଇଥିଲା ସେଥିରେ ସାଂସଦ ଙ୍କ ଗୁଡଭେଲା ପ୍ରତିନିଧି ଦିନବନ୍ଧୁ ବେହେରା ମଧ୍ୟ ଉପସ୍ଥିତ ଥିଲେ। ବିଧାୟକଙ୍କ ସମର୍ଥକ ମାନେ ନବୀନ ଜୈନ ଜିନ୍ଦାବାଦ ନାରା ଦେଇଥିଲେ। ପରେ ଶ୍ରୀ ବେହେରା ଉକ୍ତ ସଭାରେ ବିଧାୟକଙ୍କ ସମର୍ଥକଙ୍କୁ ଗାଳିଗୁଳଜ କରିଥିଲେ। ତେବେ ପରେ ଦୋରା ପହଞ୍ଚିବାରୁ ଶ୍ରୀ ବେହେରାଙ୍କୁ କାହିଁକି ଗାଳିଗୁଳଜ କରୁଛ ପଚାରିଥିଲେ।ତେବେ ସେ ଦୀର୍ଘ ୨ ମାସ ପରେ ତୁଷରା ଥାନାରେ ଏପରି ଭିତ୍ତିହିନ ଅଭିଯୋଗ କରିଛନ୍ତି। ମିଥ୍ୟା ଅଭିଯୋଗ ଓ ଗାଳିଗୁଜ ଦେଇଥିବାରୁ ଶ୍ରୀ ବେହେରା ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଦାବୀ କରିଛନ୍ତି। ଏହି ଦାବୀପତ୍ର ଦେବା ସମୟରେ ପୂର୍ବତନ ବ୍ଲକ ଅଧ୍ୟକ୍ଷ ଅଶୋକ ଦୋରା ଙ୍କ ସହ ଶତାଧିକ କର୍ମୀ ଉପସ୍ଥିତ ଥିଲେ।
