ଭୁବନେଶ୍ୱର, ୦୮/୧୦ : ଓଡ଼ିଶା ଲୋକ ସେବା ଆୟୋଗ ବା ଓପିଏସସି ଅଧ୍ୟକ୍ଷ ଭାବେ ଦାୟିତ୍ଵ ଗ୍ରହଣ କଲେ ବରିଷ୍ଠ ଆଇପିଏସ୍ ଅଧିକାରୀ ଅରୁଣ ଷଡ଼ଙ୍ଗୀ। ଦାୟିତ୍ଵ ଗ୍ରହଣ ପରେ ପ୍ରତିକ୍ରିୟା ରଖିଛନ୍ତି। ଅରୁଣ ଷଡ଼ଙ୍ଗୀ କହିଛନ୍ତି ଯେ, ଗୁରୁ ଦାୟିତ୍ଵ ମିଳିଛି, ସୁଚାରୁ ରୂପେ ତୁଲାଇବି। ଚୟନ ପ୍ରକ୍ରିୟାରେ ସ୍ଵଚ୍ଛତା ଆଣିବା ପ୍ରାଥମିକତା ରହିବ। ଟଙ୍କା ନେଇ କେହି ଚାକିରି ଦେବ କହୁଥିଲେ, ତାହା କେବଳ ଠକେଇ। ପରୀକ୍ଷାର୍ଥୀ ସେମାନଙ୍କ କଥା ଶୁଣନ୍ତୁ ନାହିଁ। ସାଢେ ୩୩ ବର୍ଷ ପରେ ବର୍ଦ୍ଦି ଓହ୍ଲାଇବା କଷ୍ଟ ଦେଇଛି। ବର୍ଦ୍ଦି ଥିଲା ମୋ ପରିଚୟ। ୧୦ ମାସ ପୂର୍ବରୁ ଖୋଲିବାକୁ ପଡିଛି। 

ସୂଚନାନୁଯାୟୀ, ଆଇପିଏସ ଅଧିକାରୀ ଅରୁଣ ଷଡ଼ଙ୍ଗୀ ଗତକାଲି ପୋଲିସ ଚାକିରିରୁ ସ୍ଵେଚ୍ଛାକୃତ ଅବସର ନେଇଥିଲେ। ଆଜି ଓପିଏସସିର ଅଧ୍ୟକ୍ଷ ଭାବେ ଦାୟିତ୍ଵ ଗ୍ରହଣ କରିଛନ୍ତି। ଓପିଏସସି କାର୍ଯ୍ୟାଳୟରେ ପହଞ୍ଚିବା ପରେ ତାଙ୍କୁ ପ୍ରଥମେ ଗାର୍ଡ ଅଫ୍ ଅର୍ଣ୍ଣର ପ୍ରଦାନ କରାଯାଇଛି। ଏହାପରେ ସେ କାର୍ଯ୍ୟରେ ଯୋଗ ଦେଇଛନ୍ତି।