ଭଦ୍ରକ, ୨୪।୯ :  ବ୍ରିଜ ୱାଲକୁ ଧକ୍କା ଦେଇ  ଓଲଟି ପଡ଼ିଛି ସେଓ ବୋଝେଇ ଟ୍ରକ । ଧକ୍କା ଏତେ ଜୋରରେ ହୋଇଥିଲା କି ବ୍ରିଜ ତଳକୁ ଖସିପଡିଛି ଟ୍ରକର କ୍ୟାବିନ  ଓ ଫଳ ବୋଝେଇ ଡାଲା   । ରାସ୍ତା ଉପରେ ରହିଛି ଟ୍ରକର ଚେଚିସ । ଦୁର୍ଘଟଣା ପରେ ଟ୍ରକରୁ  ପ୍ରାୟ ୨୦ ଲକ୍ଷ ଟଙ୍କାର ସେଓକୁ ସ୍ଥାନୀୟ ଲୋକେ ବୋହି ନେଇ ଯାଇଛନ୍ତି। ୧୬ ନମ୍ବର ଜାତୀୟ ରାଜପଥର ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ଥାନା ଅଧୀନ ଡାହାଲା ନିକଟରେ ଦୁର୍ଘଟଣା ଘଟିଛି ।

ଦିଲ୍ଲୀରୁ  ଫଳ ନେଇ ଭୁବନେଶ୍ୱର ଅଭିମୁଖେ ଏକ ଟ୍ରକ ଯାଉଥିଲା। ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ଥାନା ଅଧୀନ ଡାହାଲା ନିକଟରେ ଟ୍ରକଟି ଏକ ବ୍ରିଜ ପାଚେରୀକୁ ଧକ୍କା ଦେଇଥିଲା।ଦୁର୍ଘଟଣା ବେଳେ ଟ୍ରକର ଚେଚିସ ରାସ୍ତା ଉପରେ ରହିଯାଇଥିବା ବେଳେ ଡ୍ରାଇଭର କ୍ୟାବିନ ଓ ଟ୍ରକର ଫଳ ବୋଝେଇ ଡାଲା ପୋଲ ତଳକୁ ଖସି ପଡ଼ିଥିଲା । ସ୍ଥାନୀୟ ଲୋକେ ପହଞ୍ଚି ପାଣି ଭିତରୁ ବ୍ୟାଗ ଓ ବସ୍ତାରେ ସେଓ ବୋହି ନେଇଥିଲେ। ପ୍ରାୟ ୨୦ ଲକ୍ଷ ଟଙ୍କାର ସେଓ ଲୋକେ ବୋହି ନେଇ ଯାଇଛନ୍ତି। ତେବେ ଗାଡ଼ିର କର୍ମଚାରୀ ସୁରକ୍ଷିତ ଥିବା ଜଣାପଡିଛି। ପୋଲିସ ପହଞ୍ଚି ଘଟଣାର ତଦନ୍ତ କରୁଛି।