ନୂଆଦିଲ୍ଲ,୧/୧୦ : ହରିୟାଣା ବିଧାନସଭା ନିର୍ବାଚନକୁ ନେଇ ଗୁରୁବାର ନିର୍ବାଚନ ପ୍ରଚାର ଥମିଯିବ । ଏହା ପୂର୍ବରୁ ସମସ୍ତ ରାଜନୈତିକ ଦଳ ପ୍ରଚାରରେ ନିଜର ପୁରା ଶକ୍ତି ଲଗାଇ ଦେଇଛନ୍ତି । ଏହା ମଧ୍ୟରେ ମଙ୍ଗଳବାର ଆମ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିଓ୍ବାଲ ହରିୟାଣାର ବଲ୍ଲଭଗଡ଼ରେ ଆପ ପ୍ରାର୍ଥୀ ରବିନ୍ଦ୍ର ଫୌଜଦାରଙ୍କ ସମର୍ଥନରେ ରୋଡ଼ ଶୋ କରିଛନ୍ତି । ଏହି ସମୟରେ ସେ ବିଜେପି ଉପରେ ସିଧାସଳଖ ଟାର୍ଗେଟ କରିଛନ୍ତି । ଏହାସହ ସେ କହିଛନ୍ତି କି ୮ଅକ୍ଟୋବରର ପ୍ରଥମ ବିଜୟ ବଲ୍ଲଭଗଡ଼ରୁ ମିଳିବା ଜରୁରୀ ।
ରୋଡ଼ ଶୋ ସମୟରେ ଅରବିନ୍ଦ କେଜ୍ରିଓ୍ବାଲ କହିଛନ୍ତି କି , ଏହି ଲୋକମାନେ ମିଛ ମାମଲା ରୁଜୁ କରି ମୋତେ ଜେଲରେ ପୁରାଇ ଦେଇଥିଲେ । କିଛିଦିନ ପୂର୍ବରୁ ମୁଁ ୫ମାସ ପରେ ଜେଲରୁ ବାହାରି ଆସିଛି । ଜେଲରେ ସେମାନେ ମୋତେ ଶାରିରୀକ , ମାନସିକ ନିର୍ଯାତନା ଦେଇଛନ୍ତି । ମୁଁ ସୁଗାର ରୋଗୀ ଅଟେ । ଏହି ଲୋକମାନେ ମୋତେ ୨୦ଦିନ ପର୍ଯ୍ୟନ୍ତ ମୋର ଇନସୁଲିନ ବନ୍ଦ କରି ଦେଇଥିଲେ । ଏମାନେ ମୋତେ ଭାଙ୍ଗିବାକୁ ଚାହୁଁଥିଲେ କିନ୍ତୁ ସେମାନଙ୍କୁ ଜଣାନାହିଁ କି ମୁଁ ହରିୟାଣରୁ ଅଟେ । ଏମାନେ କାହାକୁ ବି ଭାଙ୍ଗିପାରିବେ କିନ୍ତୁ ହରିୟାଣା ଲୋକଙ୍କୁ ଭାଙ୍ଗିପାରିବେ ନାହିଁ । ’
ପ୍ରଚାର ସମୟରେ ପୂର୍ବତନ ସିଏମ କେଜ୍ରିଓ୍ବାଲ କହିଛନ୍ତି କି, ହରିୟାଣାକୁ ଆପଣଙ୍କ ପୁଅ ପୂରା ଦେଶ ଏବଂ ବିଶ୍ବରେ ହରିୟାଣାର ନାଁର ଟେକ ରଖିଛି । ଦିଲ୍ଲୀ ଏବଂ ପଞ୍ଜାବରେ ଆପର ସରକାର ଅଛି । ମଝିରେ ହରିୟାଣା ଅଛି ଏଠାରେ ବି ମୋତେ ସେବା କରିବାର ସୁଯୋଗ ଦିଅନ୍ତୁ । ଦିଲ୍ଲୀରେ ମୁଁ କାମ କରିଛି । ଆପଣମାନଙ୍କୁ ଜଣା ଅଛି ଦିଲ୍ଲୀରେ ବିଜୁଳି ମାଗଣା ଅଛି । ଦିଲ୍ଲୀରେ ସ୍କୁଲ ଭଲ କରି ଦେଇଛି, ଶିକ୍ଷା ବ୍ୟବସ୍ଥା ଭଲ କରି ଦେଇଛି । ମହିଳାଙ୍କ ଲାଗି ଫ୍ରି ବସ୍ ଯାତ୍ରା କରି ଦେଇଛି । ବୃଦ୍ଧବୃଦ୍ଧାଙ୍କ ଲାଗି ତୀର୍ଥ ଯାତ୍ରା କରି ଦେଇଛି । ଏହି ସବୁ କାମ ହରିୟାଣାରେ କରିବି, ଖାଲି ଗୋଟିଏ ଥର ଝାଡ଼ୁ ବଟନ ଚିପି ଦିଅନ୍ତୁ । ’
