ଖଲ୍ଲିକୋଟ, ୧୦/୧୧-ପୁଣି ପଥର ଖସିଲା ଖଲ୍ଲିକୋଟ ଶ୍ରୀ ଜଗନ୍ନାଥ ମନ୍ଦିରରୁ ।ସିଂହଦ୍ୱାର ଗୁମୁଟ ରୁ ଏକ ବଡ଼ ପଥର ଶନିବାର ରାତିରେ ଖସି ପଡିଛି। ସେହି ସିଂହଦ୍ୱାର ଗୁମୁଟ ରୁ ଗତ ଦୁଇ ବର୍ଷ ତଳେ ଏକ ବଡ଼ ପଥର ଖସି ପଡିଥିଲା। ଯେଉଁଠୁ ଖସିଥିଲା ଏବେ ତାର ବିପରୀତ ଦିଗରୁ ପଥର ଖସି ପଡିଛି। 

 ଗତ ୪ ମାସ ତଳେ ମୁଖ୍ୟ ମନ୍ଦିରର ଉତ୍ତର ଦିଗ ରେ ଥିବା ଏକ ସିଂହ ପଥର ମୂର୍ତ୍ତି ଖସି ପଡିଥିଲା। ଏହାସହ ଶ୍ରୀ ଜଗନ୍ନାଥ ମନ୍ଦିର କୁ ଦୀର୍ଘ ଦୁଇ ବର୍ଷ ଧରି ଘେରି ରହିଥିବା ବାଉଁଶ ଗୁଡିକୁ ବାହାର କରିବା ବେଳେ ଦକ୍ଷିଣ ଦିଗ ରେ ଥିବା ବରାହ ମୂର୍ତ୍ତି ଭାଙ୍ଗି ଯାଇଥିଲା। ଗତ ପ୍ରାୟ ଦୁଇ ବର୍ଷ ତଳେ ସିଂହଦ୍ୱାର ଗୁମୁଟ ରୁ ୭ କିଲୋ ଓଜନ ର ପଥର ଖସିଥିବା ବେଳେ ଏବେ ଖସିଥିବା ପଥର ର ଓଜନ ପ୍ରାୟ ୨ କିଲୋ ହେବ ବୋଲି କୁହାଯାଉଛି।