ନୂଆଦିଲ୍ଲୀ,୧୪।୮: ସୀମା ହାଇଦର ଓ ଅଞ୍ଜୁ... ଏହି ଦୁଇଟି ନାଁର ଚର୍ଚ୍ଚା ଆଜିକାଲି ସବୁ ସ୍ଥାନରେ ରହିଛି। ବିଶେଷ ଭାବରେ ଭାରତ ଓ ପାକିସ୍ତାନରେ ରହିଛି। ଅଞ୍ଜୁ ନିଜର ପ୍ରେମିକ ପାଇଁ ଭାରତରୁ ପାକିସ୍ତାନ ଚାଲି ଆସିଛନ୍ତି, ସେଭଳି ସୀମା ହାଇଦର ମଧ୍ୟ ନିଜର ପ୍ରେମିକ ପାଇଁ ପାକିସ୍ତାନରୁ ଭାରତ ପଳାଇ ଆସିଛନ୍ତି। ତେବେ ଏହା ଭିତରେ ଖବର ଆସିଛି ଯେ, ଅଞ୍ଜୁ ପାକିସ୍ତାନରେ ସ୍ବାଧୀନତା ଦିବସ ପାଳନ କରିଛନ୍ତି। ସେଭଳି ସୀମା ମଧ୍ୟ ଭାରତରେ ତ୍ରୀରଙ୍ଗା ଧରି ହିନ୍ଦୁସ୍ତାନ ଜିନ୍ଦାବାଦର ନାରା ଦେଇଛନ୍ତି।
ନ୍ୟୁଜ ଏଜେନ୍ସି ଅନୁସାରେ, ପାକିସ୍ତାନର ଖୈବର ପଖତୁନଖ୍ବା ପ୍ରଦେଶରେ ପହଞ୍ଚିଥିବା ଅଞ୍ଜୁ ସେଠାରେ ସ୍ବାଧୀନତା ଉତ୍ସବ ପାଳନ କରିଛନ୍ତି। ଅଞ୍ଜୁ ଏଠାରେ ନସରୁଲାହ ସହ ମିଶି ପାକିସ୍ତାନର ୟୋମ୍-ଇ-ଆଜାଦୀ(ସ୍ବାଧୀନତା ଦିବସ)ର କେକ୍ କାଟିଛନ୍ତି। ଏହି ସମୟରେ ପାକିସ୍ତାନୀ ନ୍ୟୁଜ ଚ୍ୟାନେଲ ଜିୟୋ ନ୍ୟୁଜ ଅଞ୍ଜୁ ଇଣ୍ଟରଭ୍ୟୁ ନେଇଥିଲା। ଅଞ୍ଜୁଙ୍କୁ ଫାତିମା ଓ ନସରୁଲାହଙ୍କୁ ତାଙ୍କର ସ୍ବାମୀ ବୋଲି କହି ସମ୍ବୋଧିତ କରିଥିଲା। ଉଲ୍ଲେଖନୀୟ ଯେ, ପାକିସ୍ତାନରେ ୧୪ ଅଗଷ୍ଟରେ ସ୍ବାଧୀନତା ଦିବସ ପାଳନ କରାଯାଇଥାଏ। ସେଭଳି ଭାରତରେ ୧୫ ଅଗଷ୍ଟରେ ସ୍ବାଧୀନତା ଦିବସ ପାଳନ କରାଯାଏ।
ଅଞ୍ଜୁ ବହୁବାର ଧର୍ମ ପରିବର୍ତ୍ତନ କରି ଇସଲାମ୍ ଗ୍ରହଣ କରିଛନ୍ତି ଓ ନସରୁଲାହଙ୍କୁ ବିବାହ କରିବାର କଥା ଖାରଜ କରିଛନ୍ତି, କିନ୍ତୁ ଜିଓ ନ୍ୟୁଜ ସହିତ ଆଲୋଚନା ବେଳେ ସେ ଏହା ଉପରେ କୌଣସି ଆପତ୍ତି ପ୍ରକାଶ କରିନଥିଲେ। ଏହି ସମୟରେ ସେ ପାକିସ୍ତାନକୁ ଖୁବ୍ ପ୍ରଶଂସା କରିଥିଲେ। ଅଞ୍ଜୁ କହିଛନ୍ତି, ପାକିସ୍ତାନ ଆସି ମୋତେ ବହୁତ ଖୁସି ଲାଗୁଛି। ଏଠାର ଲୋକଙ୍କ ସଂସ୍କୃତି ବହୁତ ଭଲ। ପାକିସ୍ତାନର ଅତିଥି ସତ୍କାର ଖୁବ୍ ଭଲ।’
{"id":611025,"width":977,"height":550,"sizeSlug":"full","linkDestination":"none"}ଅନ୍ୟପକ୍ଷେ ଯଦି କଥା ହେବା ତେବେ ସୀମା ହାଇଦର ମଧ୍ୟ ସଚିନଙ୍କ ସହିତ ନୋଏଡାର ରବୁପୁରା ସ୍ଥିତ ନିଜ ଘରେ ରବିବାର ତ୍ରୀରଙ୍ଗା ଭଳି ଶାଢୀ,ମଥାରେ ଜୟ ମାତାଜୀ ଲେଖା ହୋଇଥିବା ଚୁନରୀ ବାନ୍ଧି ଉଡାଇଥିଲେ ତ୍ରୀରଙ୍ଗା। ଏହି ସମୟରେ ତାଙ୍କର ଚାରୋଟି ସନ୍ତାନ ସଚିନ୍, ସଚିନ୍ଙ୍କ ବାପା ନେତ୍ରପାଳ ଓ ଓକିଲ ଏପି ସିଂହ ମଧ୍ୟ ଥିଲେ। ସୀମା ଓ ତାଙ୍କ ପିଲାମାନେ ହିନ୍ଦୁସ୍ତାନ ଜିନ୍ଦାବାଦର ସ୍ଲୋଗାନ୍ ଦେଇଥିଲେ। ଏହା ସହିତ ପାକିସ୍ତାନ ମୁର୍ଦ୍ଦାବାଦ ମଧ୍ୟ କହିଥିଲେ। ସୀମା କହିଛନ୍ତି, ଆଜି ମୁଁ ନିଜର ଘରେ ତ୍ରୀରଙ୍ଗା ଉଡାଇଛି ଓ ଏବେ ମୁଁ ଭାରତର। ଯଦି ସୁଯୋଗ ମିଳିବ ତେବେ ‘ଗଦର-୨’ ଫିଲ୍ମ ଦେଖିବାକୁ ଯିବି। ସୀମା ହାଇଦର ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଜୟ ନାରା ମଧ୍ୟ ଦେଇଥିଲେ।