ଭୁବନେଶ୍ୱର,୦୯/୦୯: ଓଡ଼ିଆ ମହିଳା ପର୍ବତାରୋହୀ ଅନିତା ସ୍ୱାଇଁ ଗୋଟିଏ ସପ୍ତାହରେ ୨୦,୦୦୦ ଫୁଟରୁ ଅଧିକ ଉଚ୍ଚ ଦୁଇଟି ପର୍ବତ ଆରୋହଣ କରିବାରେ ସଫଳ ହୋଇଛନ୍ତି। ପ୍ରଥମେ ସେ ଗତ ୨ ତାରିଖରେ ମାଉଣ୍ଟ କାଙ୍ଗ ୟାତସେ (୨୦, ୬୦୦ ଫୁଟ) ଶୀର୍ଷରେ ପହଞ୍ଚିଥିଲେ । ସେହିପରି ଗତ ୬ ତାରିଖରେ ଡୋଜୋ ଜଙ୍ଗୋ (୨୦,୫୦୦ ଫୁଟ) ଆରୋହଣ କରିଥିଲେ ।
ଅନୀତା ହେଉଛନ୍ତି ‘ଆସା’ର ସଦସ୍ୟା । ଟାଟା ଷ୍ଟିଲର ଏହି ଦୁଇ ପର୍ବତ ଆରୋହଣ ପାଇଁ ସମସ୍ତ ସହାୟତା ଯୋଗାଇ ଦେଇଥିଲେ । ଅବସର ପ୍ରାପ୍ତ ଲେଫ୍ଟନାଣ୍ଟ ଜେନେରାଲ ନାରାୟଣ ମହାନ୍ତି, ‘ଆସା’ ସମ୍ପାଦକ ଏଭରେଷ୍ଟ ଆରୋହୀ ଗଣେଶ ଚନ୍ଦ୍ର ଜେନା, ଶକ୍ତି ରଞ୍ଜନ ମହାନ୍ତି, ବିକ୍ରମ ଦାସ ଏବଂ ଉପଦେଷ୍ଟା ଅଶୋକ ମହାନ୍ତି ପ୍ରମୁଖ ତାଙ୍କୁ ଅଭିନନ୍ଦନ ଜଣାଇଛନ୍ତି ।
