ଭୁବନେଶ୍ବର,୧୪/୬ :  ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଶୁକ୍ରବାର ଡାକିଛନ୍ତି ଗୁରୁତ୍ବପୂର୍ଣ୍ଣ ବୈଠକ । ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିଛି ଗୁରୁତ୍ବପୂର୍ଣ୍ଣ ବୈଠକ । ବୈଠକରେ ୨ ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂ ଦେଓ ଏବଂ ପ୍ରଭାତୀ ପରିଡ଼ା ସାମିଲ ହୋଇଛନ୍ତି । ବୈଠକରେ ମୁଖ୍ୟ ଶାସନ ସଚିବ ପ୍ରଦୀପ ଜେନା ବି ଉପସ୍ଥିତ ରହିଛନ୍ତି । ସେହିଭଳି ଉନ୍ନୟନ କମିଶନର, ବିଭାଗୀୟ ସଚିବ ବି ଉପସ୍ଥିତ ଅଛନ୍ତି । 

ପ୍ରକାଶ ଯେ, ଏହି ବୈଠକରେ ବିଭିନ୍ନ ଦିଗ ଉପରେ ଆଲୋଚନା ହେଉଛି । ଅସ୍ଥାୟୀ କାର୍ଯ୍ୟାଳୟରେ ଏହି ବୈଠକ ହେଉଛି । ନୂଆ ସରକାର ଆସିବା‌ ପରେ ସମ୍ପୂର୍ଣ୍ଣ ଆକ୍ସନ ମୁଡ଼ରେ ଅଛନ୍ତି ମୁଖ୍ୟମନ୍ତ୍ରୀ । ପ୍ରାରମ୍ଭିକ ଅବସ୍ଥାରେ ସବୁ ବିଭାଗର ସଚିବଙ୍କୁ ଡାକି ଏହି ବୈଠକ କରୁଛନ୍ତି।   ପ୍ରଥମ ଦିନର କ୍ୟାବିନେଟ ମିଟିଂ ପରେ ଯେଉଁ ସବୁ ଘୋଷଣା ହୋଇଥିଲା ତାହା ଉପରେ ବିସ୍ତୃତ ଆଲୋଚନା ହେଉଛି ବୋଲି ଯାହା ସୂଚନା ମିଳୁଛି ।