କୋଣାର୍କ,୦୬/୧୦: ଶବକୁ ଅସମ୍ମାନ । ମୃତଦେହକୁ ଘରକୁ ନେବା ପାଇଁ ମିଳିଲାନି ଆମ୍ୱୁଲାନ୍ସ । ଟ୍ରଲିରେ ବୁହା ହେଲା ଶବ । ମୃତକ ଗୋପ ସନିକଟ ମେଡିକାଲ ପଛପଟେ ତଳସାହି ଗ୍ରାମର ପୂର୍ଣ୍ଣ ଚନ୍ଦ୍ର ଭୋଇ (୬୨ ବର୍ଷ) ବୋଲି ଜଣାପଡ଼ିଛି । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଗୋପ ବ୍ଲକ ଗୋପ ଅଞ୍ଚଳରେ ।
ସୂଚନା ମୁତାବକ, ପୂର୍ଣ୍ଣ ଚନ୍ଦ୍ର ଭୋଇ ଶୌଚ ହେବାକୁ ଯାଇଥିବା ବେଳେ ସେଠାରେ ପଡ଼ିଯାଇଥିଲେ । ସେଠାରୁ ତୁରନ୍ତ ପରିବାର ଲୋକେ ତାଙ୍କୁ ପାଖରେ ଥିବା ଗୋପ ଗୋଷ୍ଠିସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପରେ ପରିବାର ଲୋକେ ଶବକୁ ଘରକୁ ନେବାପାଇଁ ଆମ୍ଭୁଲାନ୍ସର ସାହାଯ୍ୟ ମାଗିଥିଲେ । କିନ୍ତୁ ଡାକ୍ତର ତାଙ୍କୁ ମେଡିକାଲରେ ଗାଡିର ସୁବିଧା ନାହିଁ ବୋଲି ମନା କରିଦେଇଥିଲେ । ପରେ ପରିବାର ଲୋକେ ଟ୍ରଲିରେ ବୋହି ଶବକୁ ଘରକୁ ନେଥିବାର କହିଛନ୍ତି l