ନୂଆଦିଲ୍ଲୀ,୩୧/୦୫: ପୂର୍ବତନ ଅଧିନାୟକ ଅମିନୁଲ ଇସଲାମ ବାଂଲାଦେଶ କ୍ରିକେଟ୍ ବୋର୍ଡ଼ (ବିସିବି)ର ନୂଆ ସଭାପତି ନିଯୁକ୍ତ ହୋଇଛନ୍ତି। ସେ ଫାରୁକ ଅହମ୍ମଦଙ୍କ ସ୍ଥାନ ନେଇଛନ୍ତି । ବାଂଲାଦେଶ କ୍ରୀଡ଼ା ମନ୍ତ୍ରଣାଳୟ ପକ୍ଷରୁ ଶୁକ୍ରବାର ଅହମ୍ମଦଙ୍କୁ ସଭାପତି ପଦରୁ ବହିଷ୍କୃତ କରାଯାଇଥିଲା । ଏହାର ୨୪ ଘଣ୍ଟା ମଧ୍ୟରେ ଅମିନୁଲଙ୍କୁ ନିଯୁକ୍ତ କରାଯାଇଛି । ସେ ଆଗାମୀ ବିସିବି ନିର୍ବାଚନ ପର୍ଯ୍ୟନ୍ତ ଏହି ଦାୟିତ୍ୱ ତୁଲାଇବେ ବୋଲି ଜଣାପଡ଼ିଛି ।
ଅମିନୁଲ ୧୯୯୯ ବିଶ୍ୱକପ୍ରେ ବାଂଲାଦେଶ ଦଳର ନେତୃତ୍ୱ ନେଇଥିଲେ । ଟେଷ୍ଟ କ୍ରିକେଟରେ ବାଂଲାଦେଶର ପ୍ରଥମ ବ୍ୟାଟର ଭାବେ ସେ ଶତକ ଅର୍ଜନ କରିଥିଲେ । ସେ ୧୩ଟି ଟେଷ୍ଟ ଖେଳି ୫୩୦ ରନ୍ (୧ଶତକ, ୨ ଅର୍ଦ୍ଧଶତକ) ଏବଂ ୩୯ଟି ଦିନିକିଆରୁ ୭୯୪ରନ୍ ସଂଗ୍ରହ କରିଥିଲେ । ଅମିନୁଲ ଏବେ ଆଇସିସି ଡେଭଲପମେଣ୍ଟ ମ୍ୟାନେଜର ଭାବେ କାର୍ଯ୍ୟରତ ଅଛନ୍ତି ।
