ମୁମ୍ବାଇ,୨୮/୧୧: ବଲିଉଡ଼ର ଲୋକପ୍ରିୟ ଅଭିନେତ୍ରୀ ଐଶ୍ୱର୍ଯ୍ୟା ରାୟ। ସେ ନିଜ  ଲୁକ ଏବଂ ପର୍ସନାଲିଟି ପାଇଁ ସର୍ବଦା ଲାଇମ ଲାଇଟରେ ରୁହନ୍ତି । ହେଲେ ଗତ କିଛି ଦିନ ଧରି ଅଭିଷେକ ବଚ୍ଚନ ଓ  ତାଙ୍କର ଛାଡ଼ପତ୍ରକୁ ନେଇ  ଚର୍ଚ୍ଚା ଜୋର ଧରିଥିବା ବେଳେ  ଏହାରି ମଧ୍ୟରେ ସାମ୍ନାକୁ ଆସିଛି ଏକ ଭିଡିଓ । ଅଭିନେତ୍ରୀ ଦୁବାଇରେ ଆୟୋଜିତ ଗ୍ଲୋବାଲ ୱିମେନ ଫୋରମରେ ଭାଗ ନେବାକୁ ଯାଇଥିବା ବେଳେ  ଇଭେଣ୍ଟରେ କିଛି ଏପରି ହୋଇଥିଲା, ଯାହା ସୋସିଆଲ ମିଡିଆରେ ଚର୍ଚ୍ଚା ସୃଷ୍ଟି କରିଛି । ଐଶ୍ୱର୍ଯ୍ୟା ରାୟଙ୍କ ନାମରୁ ବଚ୍ଚନ ସରନେମ ନଥିବାରୁ ଫ୍ୟାନ୍ସଙ୍କୁ ଆଶ୍ଚର୍ଯ୍ୟ କରିଛି । 

ତେବେ ଇଭେଣ୍ଟରେ ଚାଲୁଥିବା ସ୍କ୍ରିନରେ ଐଶ୍ୱର୍ଯ୍ୟା ରାୟଙ୍କ ନାମ ଐଶ୍ୱର୍ଯ୍ୟା ରାୟ ଦେଖିବାକୁ ମିଳିଥିଲା। ଯାହାକି ସାଧାରଣତଃ ତାଙ୍କ ନାମ ସହ ବଚ୍ଚନ ସରନେମ ଯୋଡି ହୋଇଥାଏ । ଏହି କଥା ସୋସିଆଲ ମିଡିଆରେ ଖୁବ ଜୋରରେ ପ୍ରସାରିତ ହେବା ପରେ ୟୁଜର୍ସ ଏହା ଉପରେ ନିଜର ପ୍ରତିକ୍ରିୟା ଦେଇଛନ୍ତି । ଜଣେ ୟୁଜର ଲେଖିଛନ୍ତି ଯେ, ‘ବି’ ଶବ୍ଦ ତାଙ୍କ ନାମରୁ ହଜିଯାଇଛି । ଅନ୍ୟ ୟୁଜର୍ସ ଲେଖିଛନ୍ତି ଐଶ୍ୱର୍ଯ୍ୟାଙ୍କ ସୁନ୍ଦରତାକୁ ପ୍ରଶଂସା କରିଛନ୍ତି । ତେବେ ଏହି ଛାଡ଼ପତ୍ର ମାମଲାରେ ଏପର୍ଯ୍ୟନ୍ତ ବଚ୍ଚନ ପରିବାର ବା ଐଶ୍ୱର୍ଯ୍ୟା ରାୟଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିନି ।