ମୁମ୍ବାଇ,୨୭/୧୧: ଫିଲ୍ମ କ୍ୟାରିଅର ସହ ନିଜର ବ୍ୟକ୍ତିଗତ ଜୀବନକୁ ନେଇ ସବୁବେଳେ ଚର୍ଚ୍ଚାରେ ଥାଆନ୍ତି ସାଉଥ ଲୋକପ୍ରିୟ ଅଭିନେତା ନାଗା ଚୈତନ୍ୟ । ତେବେ ଅଭିନେତାଙ୍କ ନିକଟରେ ଅଭିନେତ୍ରୀ ଶୋବିତା ଧୂଲିପାଲାଙ୍କ ସହ ନିର୍ବନ୍ଧ ସରିଥିବା ବେଳେ ଖୁବଶୀଘ୍ର ସେ ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି । କିନ୍ତୁ ଏନେଇ କୌଣସି ଅଫିସିଆଲ ଘୋଷଣା ହୋଇନି । ତେବେ ଏହାରି ମଧ୍ୟରେ ତାଙ୍କ ନାଗାର୍ଜୁନଙ୍କ ସାନ ପୁଅ ତଥା ନାଗା ଚୈତନ୍ୟଙ୍କ ସାନ ଭାଇ  ଅଖିଲ ଆକ୍କିନେନିଙ୍କ ନିର୍ବନ୍ଧ ସରଥିବା ଜଣାପଡିଛି । ଅଖିଲ ତାଙ୍କ ଗାର୍ଲଫ୍ରେଣ୍ଡ ଜୈନବ ରବିଜୀଙ୍କ ସହ ନିର୍ବନ୍ଧ କରିଛନ୍ତି । ତେବେ ଏନେଇ ସୋସିଆଲ ମିଡିଆରେ ଉଭୟ କପଲଙ୍କ ଫଟୋ ସେୟାର କରି ଏହି ଖୁସି ଖବର ଦେଇଛନ୍ତି ନାଗାର୍ଜୁନ । 

ତେବେ ଗତକାଲି ନାଗାର୍ଜୁନ ତାଙ୍କ ଏକ୍ସ ହ୍ୟାଣ୍ଡେଲରେ ଏକ ପୋଷ୍ଟ ସେୟାର କରି ଫ୍ୟାନ୍ସକୁ ଏହି ଖୁସି ଖବର ଦେଇଛନ୍ତି ।  ଏହି ପୋଷ୍ଟରେ ଅଖିଲ ଏବଂ ଜୈନବ ରାଓଜୀଙ୍କ ରୋମାଣ୍ଟିକ ଅନ୍ଦାଜରେ ନଜର ଆସିଛନ୍ତି । ତେବେ ନାଗାର୍ଜୁନ ଏହି ପୋଷ୍ଟ ସେୟାର କରି କ୍ୟାପସନରେ ଲେଖିଛନ୍ତି, " ଆମର ସାନ ପୁଅ ଅଖିଲ ଆକ୍କିନେନିଙ୍କ  ଜୈନବ ରବିଜୀଙ୍କ ସହ ନିର୍ବନ୍ଧ ଘୋଷଣା କରି ଆମେ ଖୁସି । ଜୈନାବଙ୍କୁ ଆମ ପରିବାରରେ ସ୍ୱାଗତ କରୁଛୁ। ଯୁବ ଦମ୍ପତିଙ୍କୁ ଅଭିନନ୍ଦନ ଜଣାଇବାକୁ ଦୟାକରି ଆମ ସହ ଯୋଗ ଦିଅନ୍ତୁ ଏବଂ ସେମାନଙ୍କୁ  ସ୍ନେହ ଓ ଆଶୀର୍ବାଦ ଦିଅନ୍ତୁ। "

ଜୈନବ ରବଜୀ ଜଣେ କଳାକାର ତଥା କଳା ପ୍ରଦର୍ଶକ । ହାଇଦ୍ରାବାଦର ବାସିନ୍ଦା ଜୈନବ ଏକ ମୁସଲମାନ ପରିବାରର ଅଟନ୍ତି। ଶିଳ୍ପ ତି ଜୁଲଫି ରବଜୀଙ୍କ ଝିଅ ଜୈନବ ରବଜୀ । ତେବେ ବର୍ତ୍ତମାନ ସେ ମୁମ୍ୱାଇରେ ରହୁଥିବାବେଳେ ଜୈନବଙ୍କ କଳା ଅନେକ ପ୍ରତିଷ୍ଠିତ ପ୍ରଦର୍ଶନୀରେ ସ୍ଥାନ ପାଇଛି ।ତାଙ୍କ କଳା ପ୍ରତିଭାର ବାହାରେ, ଜୈନାବ ରବଜୀ ୨୦୦୪ ମସିହାରେ ଚଳଚ୍ଚିତ୍ର 'ମେନାକ୍ସି: ଏକ ଟେଲ ଅଫ୍ ଥ୍ରୀ ସିଟି'ରେ ଏକ କ୍ୟାମୋ ଅଭିନୟ ସହିତ ଅଭିନୟ ଆରମ୍ଭ କରିଥିଲେ । ଯାହାକୁ କିମ୍ବଦନ୍ତୀ ଏମ୍ ହୁସେନ୍ ନିର୍ଦ୍ଦେଶନା ଦେଇଥିଲେ । ଯଦିଓ ସେ ଅଭିନୟରେ କ୍ୟାରିଅର କରିନାହାନ୍ତି କିନ୍ତୁ ସେ ନାଟକ କଳା ପ୍ରତି ତାଙ୍କର ଉତ୍ସାହ ଥିବା ଜଣାପଡିଛି।