ମୁମ୍ୱାଇ : ପ୍ରସିଦ୍ଧ ମ୍ୟୁଜିକ୍ କମ୍ପୋଜର ଏଆର ରହମାନ ଓ ତାଙ୍କ ପତ୍ନୀ ସାୟରା ବାନୋ ନିକଟରେ ନିଜର ପ୍ରଶଂସକଙ୍କୁ ସୂଚନା ଦେଇଛନ୍ତି। କହିଛନ୍ତି, ସେମାନେ ତାଙ୍କର ୨୯ ବର୍ଷର ବୈବାହିକ ସଂପର୍କରେ ପୂର୍ଣ୍ଣଚ୍ଛେଦ ପକାଇବାକୁ ନେଇଛନ୍ତି ନିଷ୍ପତ୍ତି। ଏହି ଘୋଷଣା ପରେ ସୋସିଆଲ ମିଡ଼ିଆରେ ଏଆର୍ ରହମାନଙ୍କୁ ନେଇ ଲୋକେ ଅନେକ ପ୍ରକାରର କମେଣ୍ଟ କରୁଛନ୍ତି। ଯେଉଁ ଦିନ ଏଆର ରହମାନ ପତ୍ନୀଙ୍କ ଠାରୁ ଅଲଗା ହେବାର ଘୋଷଣା କଲେ, ତାର କିଛି ସମୟ ପରେ ଏଆର ରହମାନଙ୍କର ଟିମ୍ର ମୋହିନୀ ଦେ ମଧ୍ୟ ସ୍ୱାମୀଙ୍କ ଠାରୁ ଅଲଗା ହେବାକୁ ଘୋଷଣା କରି ଥିଲେ। ଏହା ପରେ ସୋସିଆଲ ମିଡ଼ିଆରେ ଲୋକେ ଏଆର ରହମାନ ଓ ମୋହିନୀ ଦେ’ଙ୍କୁ ନେଇ ଲିଙ୍କଅପ୍ କରୁଛନ୍ତି। ଏବେ ଏହି ଖବର ଉପରେ ସାଇରା ବାନୋ ପ୍ରତିକ୍ରିୟା ଦେଇଛନ୍ତି।
ସାୟରା ବାନୋ ନିଜର ପିଆରଙ୍କ ମାଧ୍ୟମରେ ଏକ ଭଏସ୍ ନୋଟ୍ ଜାରି କରିଛନ୍ତି। ଏହି ଭଏସ୍ ନୋଟ୍ରେ ସାୟରା ବାନୋ କହିଛନ୍ତି ତାଙ୍କର ସ୍ୱାସ୍ଥ୍ୟ ଠିକ୍ ନାହିଁ ଏବଂ ସେ ନିଜର ଚିକିତ୍ସା ପାଇଁ ମୁମ୍ୱାଇରେ ଅଛନ୍ତି। ସାୟରା ବାନୋ କହିଛନ୍ତି , ମୁଁ ଏହି କାରଣରୁ ଏଆରଙ୍କ ଠାରୁ ବ୍ରେକ୍ ନେଉଛି। ମୁଁ ୟୁଟ୍ୟୁବର୍ସ ଓ ତାମିଲ ମିଡ଼ିଆକୁ ଅନୁରୋଧ କରୁଛି କି, ତାଙ୍କ (ଏଆର ରହମାନ) ବିଷୟରେ କିଛି ବି ଖରାପ ଟିପ୍ପଣୀ କର ନାହିଁ। ଏଆର ରହମାନ ଓ ମୋହିନୀ ଦେ’ଙ୍କ ଲିଙ୍କଅପ୍ ବିଷୟରେ କହି ସାୟରା ଏଆର ରହମାନଙ୍କୁ ବିଶ୍ୱର ସବୁଠୁ ଭଲ ମଣିଷ କହିଛନ୍ତି । ସେ କହିଛନ୍ତି, ମୋର ସ୍ୱାସ୍ଥ୍ୟଗତ କାରଣରୁ ମୋତେ ଚେନ୍ନାଇରୁ ଆସିବାକୁ ପଡ଼ିଲା। ଚେନ୍ନାଇରେ ତାଙ୍କର ବ୍ୟସ୍ତ ସିଡ୍ୟୁଲ କାରଣରୁ ଏହା ସମ୍ଭବ ହୋଇ ପାରି ନଥାନ୍ତା।
ଏ ଆର ରହମାନ କେତେ ଭଲ ମଣିଷ , ଏ ବିଷୟରେ ଦର୍ଶାଇ ସାୟରା ବାନୋ କହିଛନ୍ତି ,ମୁଁ ତାଙ୍କ ଉପରେ ମୋ ଜୀବନକୁ ନେଇ ଭରସା କରୁଛି। ମୁଁ ତାଙ୍କୁ ଯେତିକି ଭଲ ପାଉଛି , ସେ ବି ମୋତେ ସେତିକି ଭଲ ପାଆନ୍ତି। ମୁଁ ଆପଣଙ୍କୁ ଅନୁରୋଧ କରୁଛି କି ତାଙ୍କ ବିରୋଧରେ ମିଛ ଅଭିଯୋଗ କରିବା ବନ୍ଦ କରନ୍ତୁ । ଭଗବାନ ଭଲ କରିବେ ଏବଂ ମୋର ପ୍ରାର୍ଥନା କି ତାଙ୍କୁ ଏକୁଟିଆ ଛାଡ଼ି ଦିଆ ଯାଉ।
ସାୟରା ସମସ୍ତଙ୍କୁ କହିଛନ୍ତି ତାଙ୍କର ଚେନ୍ନାଇ ଫେରିବାକୁ ଅପେକ୍ଷା କରନ୍ତୁ। ସେ କହିଛନ୍ତି , ଆମେ ଏବେ କିଛି ବି ଅଫିସିଆଲ ଭାବେ ଘୋଷଣା କରିନାହୁଁ । ସେ ନିଜ କଥାକୁ ଶେଷ କରିବା ବେଳେ କିଛି କଡ଼ା ଶବ୍ଦରେ କହିଛନ୍ତି , ତାଙ୍କ ଛବିକୁ ଖରାପ କରିବା ବନ୍ଦ କର ।
