ନୂଆଦିଲ୍ଲୀ,୩୦/୦୮: ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରଯାନ-୩ ସଫଳ ଅବତରଣ କରିବା ପରେ ଏବେ ମିଶନ ଆଦିତ୍ୟ ଏଲ-୧କୁ ନେଇ ପ୍ରସ୍ତୁତି ଚାଲିଛି। ଇସ୍ରୋ ଘୋଷଣା କରିଛି ଯେ, ସେପ୍ଟେମ୍ବର ୨ ତାରିଖରେ ସକାଳ ୧୧ ଟାରେ ଆନ୍ଧ୍ରପ୍ରଦେଶର ଶ୍ରୀହରିକୋଟା ସ୍ଥିତ ସତିଶ ଧଓ୍ବନ ସ୍ପେଶ୍ ସେଣ୍ଟରରୁ ମିଶନ ଲଞ୍ଚ କରାଯିବ। ପୃଥିବୀ ଠାରୁ ସୂର୍ଯ୍ୟର ଦୂରତା ୧୫ କୋଟି କିଲୋମିଟର ଅଟେ, ଅର୍ଥାତ୍ ଚନ୍ଦ୍ରମା ତୁଳନାରେ ୪ଗୁଣ ଅଧିକ ଦୂର ଅଟେ। ପୂର୍ବରୁ ମଧ୍ୟ ଅନେକ ମିଶନ ଲଞ୍ଚ କରାଯାଇଛି। ସୂର୍ଯ୍ୟରେ ଉତ୍ତାପ ମାତ୍ରାଧିକ। ଏଥିରୁ ଏହା ସ୍ପଷ୍ଟ ହେଇଛି ଯେ, ମିଶନ ଚନ୍ଦ୍ର ଅପେକ୍ଷା ମିଶନ ସୂର୍ଯ୍ୟ ଅଧିକ କଷ୍ଟସାଧ୍ୟ ହେବାକୁ ଯାଉଛି, ଏହି କାରଣରୁ ଇସ୍ରୋକୁ ଅଧିକ ପ୍ରସ୍ତୁତି କରିବାକୁ ପଡିବ। ଏଭଳି ପରିସ୍ଥିତିରେ ସୂର୍ଯ୍ୟଙ୍କ ଆକାର ଏବଂ ତାପମାତ୍ରା ପରି ଜିନିଷଗୁଡ଼ିକ ବିଷୟରେ ଲୋକଙ୍କ ମନରେ ବିଭିନ୍ନ ପ୍ରକାରର ପ୍ରଶ୍ନ ଉଠିଥାଏ। ତେବେ ଉଲ୍ଲେଖଯୋଗ୍ୟ ଯେ, ସୂର୍ଯ୍ୟର ଆକାର ଏତେ ବଡ଼ ଯେ, ଏଥିରେ ଲକ୍ଷ ଲକ୍ଷ ପୃଥିବୀ ରହି ଯାଇପାରେ। ସ୍ପେସ୍ ଡଟ୍ କମ୍ ରିପୋର୍ଟ ଅନୁଯାୟୀ ସୂର୍ଯ୍ୟଙ୍କ ବ୍ୟାସ ପୃଥିବୀ ତୁଳନାରେ ପ୍ରାୟ ୧୦୯ ଗୁଣ ଅଧିକ। ପ୍ରାୟ ୧୩ ଲକ୍ଷ ପୃଥିବୀ ସୂର୍ଯ୍ୟ ଭିତରେ ରହିଯାଇପାରେ।
ସୁର୍ଯ୍ୟରେ ତାପମାତ୍ରା କେତେ ?
ସୂର୍ଯ୍ୟଙ୍କ ତାପମାତ୍ରା ବିଷୟରେ କହିବାକୁ ଗଲେ ଏହା ହେଉଛି ୧୦ ହଜାର ଫାରେନ୍ହାଇଟ (୫,୫୦୦ ଡିଗ୍ରୀ ସେଲସିୟସ୍)। ଏଠାରେ ଘଟୁଥିବା ଆଣବିକ ପ୍ରତିକ୍ରିୟା ହେତୁ ସୂର୍ଯ୍ୟଙ୍କ ମୂଳ ତାପମାତ୍ରା ୭ ନିୟୁତ ଫାରେନ୍ହାଇଟ୍ କିମ୍ବା ୧୫ ନିୟୁତ ସେଲସିୟସରେ ପହଞ୍ଚିଥାଏ। ନାସା ଅନୁଯାୟୀ, ୧୦୦ ବିଲିୟନ ଟନ୍ ଡାଇନାମାଇଟ୍ ବିସ୍ଫୋରଣ ଦ୍ୱାରା ଯେତିକି ଉତ୍ତାପ ଉତ୍ପନ୍ନ ହୁଏ, ସୂର୍ଯ୍ୟର ତାପମାତ୍ରା ଏହା ସହିତ ସମାନ।
ସୂର୍ଯ୍ୟର ଜନ୍ମ କେବେ?
ବୈଜ୍ଞାନିକ ମାନଙ୍କର କହିବା କଥା ହେଲା, ସୁର୍ଯ୍ୟଙ୍କ ଜନ୍ମ ପାଖାପାଖି ୪.୬ ଅରବ ବର୍ଷ ପୂର୍ବେ ହୋଇଥିଲା। ବୈଜ୍ଞାନିକ ମାନଙ୍କ ମତରେ ସୁର୍ଯ୍ୟ ଓ ସୌର ମଣ୍ଡଳର ଅବଶିଷ୍ଟ ଅଂଶ ଗ୍ୟାସ ଓ ଧୁଳିର ଏକ ବିଶାଳ ଗୋଲାକାର କ୍ଷେତ୍ରରେ ପରିଣତ ହୋଇଛି, ଯାହାକୁ ସୋଲାର ନେବ୍ୟୁଲା ବୋଲି କୁହାଯାଏ।
୫୦ ଲକ୍ଷ ବର୍ଷ ପର୍ଯ୍ୟନ୍ତ ହେବ ଗରମ:
ରିପୋର୍ଟ ଅନୁଯାୟୀ, ସୂର୍ଯ୍ୟଙ୍କର ଏତେ ପରମାଣୁ ଇନ୍ଧନ ଅଛି ଯେ ଏହା ଆଗାମୀ ୫୦ ଲକ୍ଷ ବର୍ଷ ପର୍ଯ୍ୟନ୍ତ ଏହି ଅବସ୍ତାରେ ରହିପାରିବ। ଏହା ପରେ ଏହା ଏକ ଲାଲ୍ ଗୋଲରେ ପରିଣତ ହେବ ଏବଂ ଶେଷରେ ଏହାର ବାହ୍ୟ ପୃଷ୍ଠଗୁଡ଼ିକ ଅଦୃଶ୍ୟ ହୋଇଯିବ ଏବଂ କେବଳ ଏହାର ଛୋଟ ଧଳା ଗୋଲାକାର ଆକୃତି ରହିବ। ଧୀରେ ଧୀରେ ଏହି ଗୋଲାକାର କ୍ଷେତ୍ର କ୍ଷୀଣ ହେବା ଆରମ୍ଭ କରିବ ଏବଂ ଏହାର ଅନ୍ତିମ ପର୍ଯ୍ୟାୟ ଆଡ଼କୁ ଗତି କରିବା ଆରମ୍ଭ କରିବ।
