ନୂଆଦିଲ୍ଲୀ : ଦିଲ୍ଲୀର ଜେଏନୟୁ କ୍ୟାମ୍ପସରେ ଗୁରୁବାର ‘ଦ ସାବରମତୀ ରିପୋର୍ଟ’ ର ସ୍କ୍ରିନିଂ ବେଳେ ମାହୋଲ ଉତ୍ତେଜନାପୂର୍ଣ୍ଣ ହୋଇଛି। ପିଟିଆଇ ମୁତାବିକ, ଫିଲ୍ମର ସ୍କ୍ରିନିଂ ବେଳେ ପଥରମାଡ଼ର ଘଟଣା ସାମନାକୁ ଆସିଛି। ଫିଲ୍ମ ‘ଦ ସାବରମତୀ ରିପୋର୍ଟ’ର ସ୍କ୍ରିନିଂର ଆୟୋଜନ ଏବିଭିପି କରିଥିଲା। ଏବିଭିପି ଅଭିଯୋଗ ଲଗେଇଛି କି, ସ୍କ୍ରିନିଂ ଆରମ୍ଭ ହେବାର ୧୦ ମିନିଟ୍ ପରେ କିଛି ପଥର ଫିଙ୍ଗା ଯାଇଛି। ଏଥିରେ କିଛି ଲୋକ ସାମାନ୍ୟ ଆହତ ହୋଇଛନ୍ତି। ଏବିଭିପି କଥିତ ପଥରମାଡ଼ର ନିନ୍ଦା କରିଛନ୍ତି।
ଏବିଭିପି–ଜେଏନୟୁର ସଚିବ ଶିଖା ସ୍ୱରାଜ କହିଛନ୍ତି , ସ୍କ୍ରିନିଂ ଆରମ୍ଭ ହେବାର ୧୦ ମିନିଟ୍ ପରେ କିଛି ପଥର ମାଡ଼ ହୋଇଛି। ସାବରମତୀ ହଷ୍ଟେଲର ଛାତରୁ ବା ଗ୍ୟାଲେରୀରୁ କିଛି ଗେଟି ପଥର ଫିଙ୍ଗା ଯାଇଛି। ଆମେ ଏହି ବିଷୟରେ ନିଶ୍ଚିତ ନାହୁଁ। ପ୍ରଥମେ ତ ଆମେ ଏହାକୁ ଅଣଦେଖା କରି ଥିଲୁ , କିନ୍ତୁ ଏମିତି ଜାରି ରହିଲା । ଏହି ଘଟଣାରେ କିଛି ଲୋକଙ୍କୁ ହାଲକା ଆଘାତ ଲାଗିଛି। ପଛରେ ଥିବା ଲୋକେ ରକ୍ଷା ପାଇ ଯାଇଛନ୍ତି। କିଛି ଅଜଣା ଅସାମାଜିକ ବ୍ୟକ୍ତି ଏମିତି କରିଛନ୍ତି। ଏହା ଖୁବ୍ ନିନ୍ଦନୀୟ ଅଟେ।
ପଥରମାଡ଼ ଘଟଣାର ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି), ଜେଏନୟୁ ବୟାନ ଜାରି କରି ନିନ୍ଦା କରିଛି। ଏବିଭିପି ନିଜର ଅଫିସିଆଲି ବୟାନରେ କହିଛି ଯେ, ସେ ସାବରମତୀ ଢାବା , ଜେଏନୟୁରେ ଦ ସାବରମତୀ ରିପୋର୍ଟର ସ୍କ୍ରିନିଂ ବେଳେ ହୋଇଥିବା ଭୀରୁତା ପୂର୍ଣ୍ଣ ଓ ନିନ୍ଦନୀୟ ହମଲାର କଡ଼ା ନିନ୍ଦା କରୁଛି। ଅଜଣା ଦୁର୍ବୃତ୍ତଙ୍କ ଦ୍ୱାରା ଶାନ୍ତିପୂର୍ଣ୍ଣ ଦର୍ଶକଙ୍କ ଉପରେ ପଥର ମାଡ଼ କରାଯାଇଛି। ଏହି ଘଟଣାରେ ଶହ ଶହ ଛାତ୍ରଛାତ୍ରୀ ଓ ଉପସ୍ଥିତ ଲୋକଙ୍କର ଜୀବନ ବିପଦରେ ପଡ଼ିଛି। ଏହି ବର୍ବରତାପୂର୍ଣ୍ଣ କାର୍ଯ୍ୟ କେବଳ ହମଲା ନୁହେଁ ବରଂ ଅଭିବ୍ୟକ୍ତିର ସ୍ୱାଧୀନତା ଓ ଗଣତାନ୍ତ୍ରିକ ମୂଲ୍ୟବୋଧ ଉପରେ ଆକ୍ରମଣ।
କହି ରଖୁଛୁ କି , ଫିଲ୍ମ ଦ ସାବରମତୀ ରିପୋର୍ଟ ୧୫ ନଭେମ୍ୱରରେ ସିନେମା ଘରେ ରିଲିଜ ହୋଇଥିଲା। ଗତ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ କ୍ୟାବିନେଟର ସହଯୋଗୀ ଓ ବିଜେପି ସାଂସଦଙ୍କ ସହ ଏହି ଫିଲ୍ମ ସଂସଦର ପୁସ୍ତକାଳୟ ଭବନ ସ୍ଥିତ ବାଲଯୋଗୀ ସଭାଗାରରେ ଦେଖି ଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ କେନ୍ଦ୍ରୀୟ ମନ୍ତ୍ରୀ ଅମିତ ଶାହ, ରାଜନାଥ ସିଂହ ନିତିନ ଗଡ଼କରୀ ଓ ହିନ୍ଦୁସ୍ତାନୀ ଅୱାସ ମୋର୍ଚ୍ଚା ପ୍ରମୁଖ ଜୀତନ ରାମ ମାଂଝିଙ୍କ ସମେତ ଅନ୍ୟ ନେତା ଉପସ୍ଥିତ ଥିଲେ।
