ନୂଆଦିଲ୍ଲୀ,୦୮/୦୧: ମୁଣ୍ଡ ଉପରେ ଦିଲ୍ଲୀ ବିଧାନସଭା ନିର୍ବାଚନ । ଏହାରି ଭିତରେ ଶାସକ ଆମ୍ ଆଦମୀ ପାର୍ଟି ଓ ବିଜେପି ମଧ୍ୟରେ ମୁଖ୍ୟମନ୍ତ୍ରୀ ବାସଭବନକୁ ନେଇ ବିବାଦ ବଢିବାରେ ଲାଗିଛି । ଆଜି (ବୁଧବାର) ରାଜ୍ୟସଭା ସାଂସଦ ତଥା ଆପ୍ ନେତା ସଞ୍ଜୟ ସିଂହ ଓ ମନ୍ତ୍ରୀ ସୌରଭ ଭାରଦ୍ବାଜଙ୍କ ସହ ଅନ୍ୟ ନେତାମାନେ ମୁଖ୍ୟମନ୍ତ୍ରୀଙ୍କ ବାସଭବନକୁ ଯାଇଥିଲେ । ସାଙ୍ଗରେ ମିଡିଆ ଥିଲା । ସେମାନଙ୍କୁ ଭିତରକୁ ଯିବାକୁ ଦେଇ ନଥିଲେ ସେଠାରେ ପୂର୍ବରୁ ଉପସ୍ଥିତ ଥିବା ପୋଲିସ । ଆପ୍ ନେତାଙ୍କୁ ଅଟକାଇ ଦେଇଥିଲା ଦିଲ୍ଲୀ ପୋଲିସ । ଏହାକୁ ନେଇ ବିଜେପି ଉପରେ ବର୍ଷିଛନ୍ତି ଆପ୍ ନେତା ।
#WATCH | Delhi Minister Saurabh Bharadwaj says, "...BJP used to send new videos and photos every day. Today, we came here with all the media persons. Now, the BJP is running away. A three-layer barricading has been put up. They have also put up water cannons and deployed… pic.twitter.com/ciWExe5YZj
— ANI (@ANI) January 8, 2025
ଆମ୍ ଆଦମୀ ପାର୍ଟି ନେତା ତଥା ମନ୍ତ୍ରୀ ସୌରଭ ଭାରଦ୍ବାଜ କହିଛନ୍ତି, ଭାରତୀୟ ଜନତା ପାର୍ଟି ଏହା ହିଁ ଚାହୁଁଛି କି ଘରର କୌଣସି ଭିଡିଓ ନ ହେଉ ଫଟୋ ନ ଉଠାଯାଉ । ପୂର୍ବରୁ ନୂଆ ନୂଆ ଭିଡିଓ ଫଟୋ ପଠାଉଥିଲେ । ଏବେ ଆମେ କ୍ୟାମେରା ଆଣି ଆସିଛୁ । ଏବେ ଓଲଟା ଦୌଡୁଛି ବିଜେପି । ୩ଟି ଲେଖାଏଁ ବ୍ୟାରିକେଟ ଲଗାଇଛି । ଡିସିପି, ଅତିରିକ୍ତ ଡିସିପିଙ୍କୁ ଛିଡା କରିଛନ୍ତି । ବର୍ଡର ବନେଇ ଦେଇଛନ୍ତି । ମିଡିଆ ଦେଖନ୍ତୁ ସିଏମ ହାଉସରେ କେଉଁଟି ସୁଇଂମିଙ୍ଗ ପୁଲ ରହିଛି କେଉଁଠି ବାର ଅଛି । ସୁନାର ଶୌଚାଳୟ ଥିବା କହୁଥିଲେ ଦେଖିନେବା କେଉଁଠି ଅଛି ଆମେ ତ ଦେଖିନାହୁଁ । ଯଦି ଅଛି ଖୋଜା ଯାଉ ନଚେତ ପ୍ରଧାନମନ୍ତ୍ରୀଙ୍କ ବାସ ଭବନରେ ଖୋଜାଯାଉ ।
ମୁଖ୍ୟମନ୍ତ୍ରୀ ବାସଭବନକୁ ମିଡିଆ ସହ ପରିଦର୍ଶନ କରିବା ନେଇ କରିଥିଲେ ସାଂସଦ ସଞ୍ଜୟ ସିଂହ । ଆଜି ସିଏମ ହାଉସ ପରିଦର୍ଶନରେ ବାହିରିଥିବା ବେଳେ ତାଙ୍କୁ ପୋଲିସ ଅଟକାଇଥିଲା । ଏହାପରେ ସେଠାରେ ଧାରଣାରେ ବସିଥିଲେ ସାଂସଦ ସଞ୍ଜୟ ସିଂହଙ୍କ ସମେତ ଆପ୍ ନେତା ।ଏହାକୁ ନେଇ ସଞ୍ଜୟ ସିଂହ କହିଛନ୍ତି, ସିଏମ ବାସଭବନକୁ ଯିବାକୁ ଆମକୁ କାହା ଅନୁମତି ଦରକାର ନାହିଁ । ବିଜେପି ନେତାଙ୍କୁ ସିଏମ ବାସଭାବନ ଦେଖେଇବାକୁ ଚାହୁଁଛୁ । ମକୁ ଜଥା ଅଟକ ଯାଇଛି । କାହା କଥାରେ ଅଟକ ରଖାଯାଇଛି ।
କଣ ସିଏମ୍ ହାଉସ ବିବାଦ ?
ଦିଲ୍ଲୀ ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଆବାସକୁ ନେଇ ବିଜେପି ଲଗାତାର ଅଭିଯୋଗ ଆଣୁଥିଲା । ସିଏଜି ରିପୋର୍ଟ ଦେଖାଇ ମୁଖ୍ୟମନ୍ତ୍ରୀଙ୍କ ସରକାରୀ ବାସଭବନରେ ହୋଇଥିବା ଖର୍ଚ୍ଚକୁ ନେଇ ଟାର୍ଗେଟ କରିଥିଲା । ବିଜେପି ମୁଖପାତ୍ର ସମ୍ବିତ ପାତ୍ର ପ୍ରେସମିଟ କରି ସିଏଜି ରିପୋର୍ଟ ବିଷୟରେ କହି ସିଏମ ହାଉସ ଭିତରେ ସୁଇମିଂଙ୍କ ପୁଲ, ବାର ଅଛି । ସୁନାର ଶୌଚାଳୟ ରହିଛି । ସିଏମ ହାଉସ ନୁହେଁ 'ଶୀଶମହଲ' । ମୁଖ୍ୟମନ୍ତ୍ରୀ ବାସଭବନ ନେଇ ୩୩ କୋଟି ୬୬ ଲକ୍ଷ ଟଙ୍କା ଦିଆଯାଇଛି । କେଉଁଠି ୭ କୋଟିର ଆକଳନ କେଉଁଠି ୩୩ କୋଟି ଟଙ୍କା ବୋଲି କହିଥିଲା ବିଜେପି ।
