ନୂଆଦିଲ୍ଲୀ,୨୩।୧୦: ଭାରତ ସହ ଜାରି ବିବାଦ ଭିତରେ କାନାଡା ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋଙ୍କୁ ନିଜ ଦେଶର ଲୋକଙ୍କ ରୋଷର ପାତ୍ର ହେବାକୁ ପଡିଛି। ସୋସିଆଲ ମିଡିଆରେ ଲୋକ ଟ୍ରୁଡୋଙ୍କ ବିଦାୟ ପରେ ଜାତୀୟ ଛୁଟି ଘୋଷଣା କରିବାକୁ ଦାବି କରୁଛନ୍ତି। ଲୋକଙ୍କ କହିବା ଅନୁସାରେ,ଟ୍ରୁଡୋ ଭାରତ ସହ ରାଜନୈତିକ ବିବାଦକୁ କୁଟନୈତିକ ଭାବରେ ସମାଧାନ କରିବା ବଦଳରେ ଆହୁରି ବଢାଉଛନ୍ତି। ଫଳରେ ଏକ ମହତ୍ବପୂର୍ଣ୍ଣ ସହଯୋଗୀ ଦେଶ କାନାଡାଠାରୁ ଅଲଗା ହୋଇଯାଇଛି।
ସୋସିଆଲ ମିଡିଆରେ ଲୋକଙ୍କ ଅସନ୍ତୋଷ ସେତେବେଳେ ବଢିଯାଇଛି ଯେତେବେଳେ ଜଣାପଡିଥିଲା ଜଷ୍ଟିନ୍ ଟ୍ରୁଡୋଙ୍କ ନିକଟତମ ସହଯୋଗୀ ଭାରତ ସମ୍ପର୍କରେ ଗୁଇନ୍ଦା ସୂଚନା ସବୁଠାରୁ ପ୍ରଥମେ ଏକ ଆମେରିକୀୟ ଖବର କାଗଜକୁ ଦେଇଥିଲେ, ସେଭଳି ପୋଲିସ ଏହାପରେ ସାମ୍ବାଦିକ ସମ୍ମିଳନୀ କରିଥିଲା।
କାନାଡାର ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋଙ୍କ ଦୁଇ ବରିଷ୍ଠ ସହଯୋଗୀ ଆମେରିକାର ଏକ ସମାଚାର ପତ୍ରକୁ ଭାରତ ସମ୍ପର୍କୀତ ଗୋପନୀୟ ତଥ୍ୟା ବିଷୟରେ ସୂଚନା ଦେଇଥିଲେ। ଏଥିରେ ଟ୍ରୁଡୋଙ୍କ ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା(ଏନ୍ଏସ୍ଏ)ନଥାଲି ଡୁଇନ୍ ମଧ୍ୟ ରହିଛନ୍ତି। ଏହି ସୂଚନାରେ କାନାଡା ମାମଲାରେ ଭାରତର ହସ୍ତକ୍ଷେପର ଦାବି କରାଯାଇଛି। ଏହି ଖୁଲାସା ଏକ କାନାଡାର ଖବର କାଗଜ କରିଥିଲା। ସୂଚନା ସେତେବେଳେ ଆସିଥିଲା, ଯେତେବେଳେ କାନାଡାର ସଙ୍ଘୀୟ ପୋଲିସ ଅଭିଯୋଗ କରିଥିଲା ଯେ, ଭାରତ ସରକାରଙ୍କ ଜଣେ ଏଜେଣ୍ଟ ଅପରାଧି ଗୋଷ୍ଠୀଙ୍କ ସହ କାମ କରୁଛି, ଯେପରି ଦକ୍ଷିଣ ଏସିଆର ଲୋକ ବିଶେଷ ଭାବରେ ଖଲିସ୍ତାନୀ ସମର୍ଥକଙ୍କୁ ଟାର୍ଗେଟ କରିପାରିବେ।
