ଭୁବନେଶ୍ଵର, ୦୧/୦୩ : ମହଙ୍ଗା ପଡ଼ିଲା କୋଇଲା ଚୋରି ଉଦ୍ୟମ। ଚଳନ୍ତା ଟ୍ରେନ୍ରେ ଚଢି କୋଇଲା ଚୋରି କରିବା ବେଳେ ବିଦ୍ୟୁତ୍ ତାର ସଂସ୍ପର୍ଶରେ ଆସି ଜଳିଗଲେ ନାବାଳକ। ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି।
ସୂଚନାନୁଯାୟୀ, ପାରାଦୀପ ସବଷ୍ଟେସନ ବସ୍ତିର ୫ ରୁ ୭ ଜଣ ନାବାଳକ ଚଳନ୍ତା ଟ୍ରେନ୍ରେ ଚଢି କୋଇଲା ଖସାଉଥିଲେ। ଏହି ସମୟରେ ଜଣେ ୧୩ ବର୍ଷୀୟ ନାବାଳକ ବିଦ୍ୟୁତ ତାର ସଂସ୍ପର୍ଶରେ ଆସି ଜଳି ଯାଇଛି। ନାବାଳକର ଶରୀରର ୭୦ ଭାଗ ପୋଡ଼ି ଯାଇଛି। ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ପ୍ରଥମେ ଅଠରବାଙ୍କି ମେଡିକାଲ ଓ ପରେ ଅଧିକ ଗୁରୁତର ହେବାରୁ କଟକ ସ୍ଥାନାନ୍ତର କରାଯାଇଛି। ଆଦର୍ଶ ଥାନା ପକ୍ଷରୁ ଏନେଇ ତଦନ୍ତ ଆରମ୍ଭ କରାଯାଇଛି। ପୋର୍ଟ ଭିତରୁ ଟ୍ରେନ୍ରେ କୋଇଲା ଯାଉଥିବା ବେଳେ ଏଭଳି ହୃଦୟ ବିଦାରକ ଘଟଣା ଘଟିଛି।
କିଛି କୋଇଲା ମାଫିଆ ଟ୍ରେନ୍ରୁ କୋଇଲା ଚୋରି ଉଦ୍ଦେଶ୍ୟରେ ଛୋଟ ପିଲାଙ୍କୁ ନିୟୋଜିତ କରୁଛନ୍ତି। ଏହି ପିଲାମାନେ ଚଳନ୍ତା ଟ୍ରେନ୍ରେ ଚଢି ନିଜ ଜୀବନକୁ ବାଜି ଲଗାଇ କୋଇଲା ଖସାଉଛନ୍ତି। ସେମାନଙ୍କୁ ଅଳ୍ପ କିଛି ପାରିଶ୍ରମିକ ଦେଇ କୋଇଲା ମାଫିଆମାନେ ମାଲେମାଲ୍ ହେଉଛନ୍ତି।
ଏହି ଖବରଟିକୁ ପଢନ୍ତୁ-କଟକର ନୂଆ ଡିସିପି ଖିଲାରି ରିଷିକେଶ ଦ୍ୟାନ୍ଦେଓଙ୍କୁ ନିଯୁକ୍ତି, ଖୁବ୍ଶୀଘ୍ର ଗ୍ରହଣ କରିବେ ଦାୟିତ୍ୱ
