କଟକ, ୦୧/୦୩: ଆଇପିଏସ୍ ସ୍ତରରେ ହୋଇଥିବା ଅଦଳବଦଳରେ କଟକ ଡିସିପିଙ୍କର ବଦଳି ହୋଇଛି । କଟକରେ ଡିସିପି ଥିବା ଜଗମୋହନ ମୀନାଙ୍କୁ ଭୁବନେଶ୍ୱର ବଦଳି କରାଯାଇଛି । ତାଙ୍କ ସ୍ଥାନରେ କଟକର ନୂଆ ଡିସିପି ଭାବେ ଖିଲାରି ରିଷିକେଶ ଦ୍ୟାନ୍ଦେଓଙ୍କୁ ନିଯୁକ୍ତି ମିଳିଛି ।
ଖିଲାରି ରିଷିକେଶ ମେ’ ମାସ ୨୦୨୩ରୁ ସେ ବଲାଙ୍ଗୀର ଏସ୍ପି ଭାବେ କାମ କରୁଛନ୍ତି । ଏହା ପୂର୍ବରୁ ସେ ମାଓସେ ୨୦୧୬ ବ୍ୟାଚ୍ର ଆଇପିଏସ୍ ଅଫିସର । ୨୩ ଫେବ୍ରୁଆରୀ ୧୯୯୦ ମସିହାରେ ମହାରାଷ୍ଟ୍ରରେ ଜନ୍ମ । ସେ ଏବେ ଜୁନିଅର ଆଡ୍ମିନ୍ିଷ୍ଟ୍ରେଟିଭ୍ ଗ୍ରେଡ୍ର ଓଡ଼ିଶା କ୍ୟାଡର ଆଇପିଏସ୍ ଭାବେ କାମ କରୁଛନ୍ତି । ସେ ତାଙ୍କ ପ୍ରାଥମିକ ପ୍ରତିକ୍ରିୟାରେ କହିଛନ୍ତି, କଟକ ସହର ଗୋଟିଏ ଗୁରୁତ୍ୱପୂର୍ଣ୍ଣ ଅଞ୍ଚଳ । ଏଠାକାର ଡିସିପି ଭାବେ ଦାୟିତ୍ୱ ମିଳିଛି । ଖୁବ୍ଶୀଘ୍ର କଟକ ଆସି ଚାର୍ଜ ନେବି । ତେବେ ଆଇନଶୃଙ୍ଖଳା, ମହିଳାଙ୍କ ସୁରକ୍ଷା ଓ ସାଇବର ଅପରାଧ ଦିଗରେ କାମ କରିବା ପ୍ରାଥମିକତା ହେବ ବୋଲି ଖିଲାରି ରିଷିକେଶ ସୂଚନା ଦେଇଛନ୍ତି ।
