ମୁମ୍ବାଇ ୦୧/୦୩: ବଲିଉଡ୍ ନିର୍ଦ୍ଦେଶକ ସୂରଜ ବଡ଼ଜାତ୍ୟା ପାରିବାରିକ ଓ ରୋମାଣ୍ଟିକ ଫିଲ୍ମ ଲାଗି ପ୍ରସିଦ୍ଧ । ନିକଟରେ ତାଙ୍କର ଆଗାମୀ ଫିଲ୍ମ ସଂପର୍କରେ ନୂଆ ଅପଡେଟ୍ ଆସିଛି । ସେ ଅନୁସାରେ, ସେହି ଫିଲ୍ମରେ ଆୟୁଷ୍ମାନ ଖୁରାନାଙ୍କ ବିପକ୍ଷରେ ଶର୍ବରୀ ୱାଘ ସ୍କ୍ରିନ ଶେୟାର କରିପାରନ୍ତି । ଉଭୟ ବଡ଼ଜାତ୍ୟା ଓ ଶର୍ବରୀଙ୍କ ମଧ୍ୟରେ ଏ ସଂପର୍କରେ ଆଲୋଚନା ଜାରି ରହିଛି । ଶର୍ବରୀଙ୍କୁ ଫିଲ୍ମର କାହାଣୀ ପସନ୍ଦ ଆସିଥିବାବେଳେ ସେ ଆୟୁଷ୍ମାନଙ୍କ ସହ କାମ କରିବାକୁ ନେଇ ଉତ୍ସାହିତ ମଧ୍ୟ ଅଛନ୍ତି । ପରଦାରେ ସରଳତା ଓ ସମ୍ବେଦନଶୀଳତାକୁ ପ୍ରଭାବଶାଳୀ ଭାବେ ବ୍ୟକ୍ତ କରିବା ଲାଗି ଶର୍ବରୀଙ୍କର କ୍ଷମତାକୁ ଦେଖି ତାଙ୍କୁ ଏହି ଭୂମିକା ଲାଗି ଚୟନ କରାଯାଇଥିବା କୁହାଯାଉଛି ।
ବଡ଼ଜାତ୍ୟାଙ୍କର ଏହି ଅପ୍କମିଂ ପ୍ରୋଜେକ୍ଟ ମଧ୍ୟ ରୋମାଣ୍ଟିକ ଫିଲ୍ମ ହେବ । ଯଦିଓ ତାର ଟାଇଟଲ ସାମ୍ନାକୁ ଆସିନାହିଁ ତେବେ ସେଥିରେ ଆୟୁଷ୍ମାନଙ୍କର ଚରିତ୍ରର ନାମ ରହିବ ‘ପ୍ରେମ୍’ । ଯଦି ସବୁକିଛି ଠିକ୍ଠାକ୍ ରହିଲା ତେବେ ଆୟୁଷ୍ମାନ ଓ ଶର୍ବରୀଙ୍କର ଏହା ପ୍ରଥମ ପ୍ରୋଜେକ୍ଟ ହେବ । ଚଳିତବର୍ଷ ମଧ୍ୟ ଭାଗରେ ଫିଲ୍ମର ସୁଟିଂ ଆରମ୍ଭ ହେବାର ଥିବାବେଳେ ଆସନ୍ତାବର୍ଷ ତାହା ରିଲିଜ୍ ହୋଇପାରେ ।
ୱାର୍କଫ୍ରଣ୍ଟ କଥା କହିବାକୁ ଗଲେ ଶର୍ବରୀଙ୍କୁ ଆଗକୁ ‘ଆଲ୍ଫା’ରେ ଦେଖିବାକୁ ମିଳିବ । ସେଥିରେ ତାଙ୍କ ସହିତ ଆଲିୟା ଭଟ୍ଟ ମଧ୍ୟ ନଜର ଆସିବେ । ଖ୍ରୀଷ୍ଟମାସ ଅବସରରେ ଅର୍ଥାତ୍ ଚଳିତବର୍ଷ ଡିସେମ୍ବର ୨୫ରେ ତାହା ପ୍ରେକ୍ଷାଳୟକୁ ଆସିବ ।
