ମୁମ୍ବାଇ, ୬।୦୨: ହ୍ରିତିକ ରୋଶନ ଓ ଦୀପିକା ପାଦୁକୋନ ଅଭିନୀତ ଫାଇଟର ଫିଲ୍ମକୁ ଲିଗାଲ ନୋଟିସ ପଠାଯାଇଛି । ଫିଲ୍ମରେ ହ୍ରିତିକ ଓ ଦୀପିକାଙ୍କ ଏକ ଚୁମ୍ବନ ଦୃଶ୍ୟ ରହିଥିବା ବେଳେ ତାକୁ ବିରୋଧ କରି ଆସାମର ଭାରତୀୟ ବାୟୁସେନା ୱିଙ୍ଗ କମାଣ୍ଡର ସୌମ୍ୟଦୀପ ଦାସ ଫିଲ୍ମ ନିର୍ମାତାଙ୍କୁ ଏହି ମାନହାନି ନୋଟିସ ପଠାଇଛନ୍ତି । ସେଥିରେ ଉଲ୍ଲେଖ କରାଯାଇଛି କି ସେନା ୟୁନିଫର୍ମ ହେଉଛି ତ୍ୟାଗ, ବଳିଦାନ, ସେନା ଓ ଉତ୍ସର୍ଗର ପ୍ରତୀକ । କିନ୍ତୁ, ସେନା ୟୁନିଫର୍ମ ପିନ୍ଧି ବ୍ୟକ୍ତିଗତ ରୋମାଣ୍ଟିକ ଦୃଶ୍ୟ ଦେଖାଇବା ଏହାର ଅପମାନ । ଏହାଦ୍ୱାରା କେବଳ ସେନା ୟୁନିଫର୍ମର ମର୍ଯ୍ୟଦାହାନୀ ହୋଇନାହିଁ, ବରଂ ଦେଶସେବା କରି ବଳିଦାନ ଦେଇଥିବା ଅଗଣିତ ସେନା ଅଫିସରଙ୍କ ପ୍ରତି ଏହା ଅସମ୍ମାନ ବୋଲି ୱିଙ୍ଗ କମାଣ୍ଡର କହିଛନ୍ତି ।