ଇସଲାମାବାଦ, ୩୦/୦୮: ଇତିହାସରେ ସବୁଠୁ ବଡ଼ ଆର୍ଥିକ ସଂକଟରେ ସନ୍ତୁଳି ହେଉଛି ପାକିସ୍ତାନ । ଭାରତର ପଡ଼ୋଶୀ ଦେଶ ପାକିସ୍ତାନରେ ଡାଲିରୁ ଅଟା ଦର ବୃଦ୍ଧି ଓ ଖାଦ୍ୟ ଅଭାବରୁ ଲୋକଙ୍କ ଜୀବନ ଯିବା ସମସ୍ତେ ଜାଣିଛନ୍ତି । ଏବେ ପାକିସ୍ତାନରେ ବିଜୁଳିକୁ ନେଇ ଲୋକେ ରାଜରାସ୍ତାକୁ ଓହ୍ଲାଇଛନ୍ତି । 

ଚଳିତବର୍ଷ ପାକିସ୍ତାନରେ ବିଦ୍ୟୁତ୍ ଦର ବୃଦ୍ଧି ପାଇଛି । ପାକିସ୍ତାନୀ ମିଡିଆ ରିପୋର୍ଟ ଅନୁସାରେ, ସେଠାରେ ବିଦ୍ୟୁତ୍ ୟୁନିଟ୍ ପିଛା ଦର ୫୦ ଟଙ୍କା ଟପିଛି । ପୂର୍ବରୁ ପାକିସ୍ତାନ ଜନତା ଦରବୃଦ୍ଧିକୁ ନେଇ ଚିନ୍ତିତ ଥିବା ବେଳେ ଏବେ ବିଦ୍ୟୁତ୍ ବିଲକୁ ନେଇ ରାଜରାସ୍ତାରେ ପ୍ରତିବାଦ କରିଛନ୍ତି ।

ସେପ୍ଟେମ୍ବର ୨ ପର୍ଯ୍ୟନ୍ତ ଘୁଞ୍ଚିଲା ନବମ ଶ୍ରେଣୀ ପଞ୍ଜୀକରଣ

ଡନର ରିପୋର୍ଟ ଅନୁସାରେ, ବିଦ୍ୟୁତ୍ ବିଲ୍ ବୃଦ୍ଧି ପରେ ପାକିସ୍ତାନୀ ଲୋକଙ୍କ ଆକ୍ରୋଶ ବଢ଼ିବାରେ ଲାଗିଛି । ଅନର୍ଜାତୀୟ ମୁଦ୍ରା ପାଣ୍ଠି (IMF) ୩ ଅରବ ଡଲାରର ବେଲଆଉଟ୍ ପ୍ୟାକେଜ୍ ଦେବା ସହ କଠୋର ସର୍ତ୍ତ ରଖିଛି । ଯାହାର ବୋଝ ଏବେ ଟିକସ ଭାବେ ପାକିସ୍ତାନ ଜନତା ଉପରେ ଲଦି ଦେଇଛି ସରକାର । 

ଫଳରେ ପାକିସ୍ତାନରେ ପେଟ୍ରୋଲ, ଡିଜେଲ୍ ସହ ବିଦ୍ୟୁତ୍ ମହଙ୍ଗା ହୋଇଛି । ପ୍ରତିବାଦରେ ଲୋକ ଦେଶବ୍ୟାପୀ ରାସ୍ତାକୁ ଓହ୍ଲାଇ ଆସିବା ସହ ବିଦ୍ୟୁତ୍ ବିଲ୍ ଜାଳିଛନ୍ତି । ବିଦ୍ୟୁତ୍ କାର୍ଯ୍ୟାଳୟରେ ପୋଡ଼ାଜଳା ସହ ଭଙ୍ଗାରୁଜା ବି କରିଛନ୍ତି । 

ଏହି ଦେଶକୁ ମିଳିଲା ସ୍ବତନ୍ତ୍ର ସୁବିଧା; ପ୍ରତିବନ୍ଧକ ପରେ ବି ମିଳିବ ଭାରତରୁ ଚାଉଳ

୬ ମାସରେ ୟୁନିଟ୍ ପିଛା ୨୦ ଟଙ୍କା ବୃଦ୍ଧି

ପାକିସ୍ତାନରେ ୨୦୨୩ ମାର୍ଚ୍ଚରୁ ନେଇ ୨୦୨୩ ଅଗଷ୍ଟ ୬ ମାସ ମଧ୍ୟରେ ୟୁନିଟ୍ ପିଛା ବିଦ୍ୟୁତ୍ ଦର ପ୍ରାୟ ୨୦ ଟଙ୍କା ବୃଦ୍ଧି ପାଇଛି । ମାର୍ଚ୍ଚ ମାସରେ ସରକାର ୟୁନିଟ୍ ପିଛା ବିଦ୍ୟୁତ୍ ଦର ୫ ଟଙ୍କା ୫୦ ପଇସା ବଢ଼ିଥିଲା । ଜୁଲାଇରେ ୭ ଟଙ୍କା ୫୦ ପଇସା ଏବଂ ଅଗଷ୍ଟରେ ୫ ଟଙ୍କା ବଢ଼ିଥିଲା । ମାର୍ଚ୍ଚରେ ପାକିସ୍ତାନରେ ବିଦ୍ୟୁତ୍ ୟୁନିଟ୍ ପିଛା ଦର ୩୬ ଟଙ୍କା ଥିବାବେଳେ ଏବେ ୫୬ ଟଙ୍କା ହୋଇଛି ।

ଜଳର ସନ୍ଧାନରୁ ଅଳ୍ପ ଦୂରରେ ଚନ୍ଦ୍ରଯାନ-୩; ଅମ୍ଳଯାନ ବ୍ୟତିତ ଆଉ କ'ଣ ପାଇଛି ରୋଭର୍